Desde o 2018 ata o 2025, a Xunta subvencionou preto de 400 proxectos, que supuxeron un investimento de case 26M€
Noia (A Coruña), 31 de xaneiro do 2026. As confrarías de pescadores, agrupacións do sector pesqueiro, organizacións de produtores, cooperativas, asociacións profesionais de persoas pescadoras, mariscadoras e redeiras xa poden solicitar as axudas da nova orde habilitada pola Xunta por valor de 10 millóns de euros para a modernización de equipamentos e infraestruturas dos portos pesqueiros, lugares de desembarque, rulas e ancoradoiros.
Así o destacou este sábado a conselleira do Mar, Marta Villaverde, na visita realizada á lonxa de Testal, xestionada polo pósito noiés, co fin de animar aos axentes beneficiarios a acollerse a estes apoios, cofinanciados polo Fondo Europeo Marítimo, de Pesca e de Acuicultura (Fempa) para o período 2026-2027.
A responsable autonómica, que estivo acompañada da directora xeral de Desenvolvemento Pesqueiro, Ángeles V. Suárez, explicou que esta orde ten como novidade a posibilidade de solicitar anticipos ou pagamentos á conta sen ter que presentar garantías, “unha medida que facilita o desenvolvemento dos proxectos aprobados, reduce cargas financeiras e administrativas e permite unha execución máis áxil das actuacións”, detallou.
O obxectivo, continuou, é “fomentar un sistema portuario pesqueiro máis eficiente a nivel económico, tecnoloxicamente avanzado, enerxeticamente sostible, seguro e resiliente fronte ao cambio climático así como integrador desde o punto de vista social”. Así, os proxectos subvencionados estarán dirixidos á transición renovable, protección do medio ambiente e redución da pegada de carbono; á mellora da seguridade e das condicións de traballo das persoas traballadoras; e a garantir a calidade e control da rastrexabilidade dos produtos do mar. Os interesados poden consultar toda a información na sede electrónica da Xunta e nas oficinas Es.Mar.
Preto de 400 proxectos
A Xunta reafirma deste xeito o seu compromiso co sector pesqueiro, apoiando iniciativas que favorezan o desenvolvemento sostible, a creación de emprego e o futuro das comunidades mariñeiras. Precisamente, o pósito noiés foi un dos beneficiarios das axudas do 2025.
No período comprendido entre o ano 2018 e 2023 dentro do período rexido polo Femp co 75 % de cofinanciamento, subvencionáronse un total de 272 actuacións por un importe de 14.236.710 euros. Dende o ano 2023 ata o 2025, no marco do Fempa, cun apoio do 70 %, realizáronse 123 actuacións que suman un importe de 11.758.711 euros.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
