Viveiro, 15 de xaneiro, 2026. Viveiro volveu saír hoxe á rúa para defender a sanidade pública e reclamar a cobertura ao cen por cen das prazas de medicina de familia e pediatría no seu Centro de Saúde, de maneira estable, diaria e durante toda a quenda.
Convocadas pola Plataforma Sanitaria da Mariña, centos de viveirenses —xunto con persoas chegadas doutros puntos da comarca— iniciaron ás 11.00 horas unha andaina que partiu do Centro de Saúde e rematou na Delegación Territorial do Mar, en Celeiro. Alí, unha representación da plataforma acudiu ás oficinas do rexistro para entregar preto de seis mil sinaturas dirixidas ao conselleiro de Sanidade, recollidas desde o pasado 18 de setembro.
A continuación tivo lugar unha concentración diante do edificio da Delegación da Xunta, dando continuidade ás mobilizacións que se veñen celebrando de maneira ininterrompida desde hai oito meses en diferentes puntos da cidade.
“O pobo de Viveiro e da Mariña non se rende”
A entrega das sinaturas e a concentración posterior simbolizan, segundo a plataforma, que a cidadanía de Viveiro continuará organizada na defensa dunha sanidade pública con todos os seus profesionais cubertos.
Samuel Fernández Bouza, veciño de Viveiro e integrante da Plataforma Sanitaria, afirmou que, se o conselleiro de Sanidade pensa que a loita remata aquí, “equivócase, pois este pobo abandonado polos gobernos do PP sabe resistir temporais, sabe poñerse en pé cando cae e sabe loitar de xeito incansable polos seus servizos públicos, pola súa industria, polas súas infraestruturas, polo seu comercio, polo seu sector primario e pola súa xente con dignidade”.
Pola súa banda, a coordinadora do colectivo, Montse Porteiro, anunciou ao remate da concentración que SOS Sanidade Pública convoca unha manifestación en Santiago o domingo 1 de febreiro, cun percorrido desde a Alameda ata a Praza do Obradoiro. “Como parte de SOS, acudiremos a esta mobilización e poremos autobuses desde distintos puntos da Mariña, que iremos anunciando nos vindeiros días”, explicou.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
