Trabada, 15 de xaneiro de 2026. O Concello de Trabada inaugurará o próximo domingo, día 25, a partir das 12:15 horas, o novo centro social da parroquia da Ría de Abres. Un acto ao que están convidadas todas as veciñas e veciños do municipio, e de maneira especial, a veciñanza desta parroquia.
No acto de inauguración contarase coa presenza da presidenta da Deputación de Lugo, Carmela López, ademais de representantes municipais. Tras a apertura oficial do novo espazo, haberá un pequeno picoteo para todas as persoas asistentes, co obxectivo de compartir este momento tan especial para a parroquia.
Este novo centro social supón un proxecto moi ilusionante para o Concello, xa que a Ría de Abres era a única das oito parroquias de Trabada que non dispoñía ata agora dun local social propio no que a veciñanza puidese reunirse, convivir e desenvolver diferentes actividades culturais, sociais e veciñais.
O alcalde de Trabada, Rubén García, destacou que “con esta inauguración damos resposta a unha demanda histórica da parroquia da Ría de Abres, dotándoa dun espazo digno e funcional que servirá como punto de encontro para a veciñanza e para fortalecer a vida social da parroquia”. O rexedor engadiu que “seguimos traballando para que todas as parroquias do noso concello conten con infraestruturas básicas que melloren a calidade de vida das persoas que viven nelas”.
A construción do novo centro social foi posible grazas a un convenio asinado polo alcalde de Trabada coa Deputación de Lugo, que achegou 190.000 euros para a execución do proxecto. O investimento total ascendeu a algo máis de 196.000 euros, sendo a cantidade restante achegada polo Concello de Trabada.
Desde o goberno municipal subliñan que esta actuación enmárcase na liña de traballo de mellorar as infraestruturas municipais e de apostar por espazos que favorezan a convivencia, a participación e o desenvolvemento da vida comunitaria en todas as parroquias do concello.
O Concello de Trabada anima a toda a veciñanza a participar neste acto de inauguración e a compartir unha xornada que marca un antes e un despois para a parroquia da Ría de Abres.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
