En Ribadeo, onde ten a súa sede este CFEA, os estudantes coñeceron unha explotación agrícola en ecolóxico
Santiago de Compostela, 28 de febreiro de 2026. Os alumnos do Centro de Formación e Experimentación Agraria Pedro Murias de Ribadeo, adscrito á Consellería do Medio Rural, continúan realizando visitas e actividades docentes complementarias, dentro do seu programa de estudos. Así, ao longo deste mes de febreiro, fixeron cadansúa visita a unha explotación agrícola en ecolóxico no propio municipio de Ribadeo e tamén, con anterioridade, a varios puntos de interese formativo do veciño Principado de Asturias.
En primeiro lugar, a pasada semana, alumnado do Ciclo Medio de Produción Agroecolóxica deste centro, acompañado dos seus mestres, achegouse ata As muiñeiras de Requiande, unha explotación ecolóxica localizada en Ribadeo. A granxa, ademais de dispor de horta con diferentes cultivos, tamén conta cun obradoiro de transformación dos seus produtos, para a súa venda deshidratados, en conserva, fermentados ou como zumes.
A visita, integrada nos módulos de sanidade vexetal, manexo sanitario do agrosistema e implantación de cultivos ecolóxicos, completouse cun pequeno coloquio entre os mozos e a titular da explotación, quen lles explicou o funcionamento do obradoiro como centro compartido que os produtores poden alugar.
Viaxe de estudos a Asturias
En relación coa viaxe de estudos a Asturias, nel participaron un grupo de profesores e case unha vintena de escolares, do devandito Ciclo Medio de Produción Agroecolóxica e tamén do de Aproveitamento e Conservación do Medio Natural. Todos eles puideron coñecer a horta ecolóxica Joyana, situada preto de Avilés, na que o seu propietario lles explicou a historia, o funcionamento e os diferentes produtos cos que traballa.
Ademais, o alumnado visitou a paisaxe protexida de Cabo de Peñas, onde fixo un pequeno percorrido por este espazo natural e coñeceu o seu centro de interpretación. A continuación, achegouse ata o xardín botánico de Xixón, onde un guía amosoulle algunhas das zonas nas que se dividen estas instalacións, así como as principais especies presentes en cada unha delas.
Esta visita a Asturias estivo relacionada cos módulos de fundamentos agronómicos, manexo sanitario do agrosistema, produción vexetal ecolóxica, infraestruturas e instalacións agrícolas, uso público en espazos naturais e aproveitamento do medio natural.
O Pedro Murias de Ribadeo é un dos seis centros de formación e experimentación agraria que dependen da Consellería do Medio Rural. Os outros cinco son os de Guísamo (Bergondo), Becerreá, Sergude (Boqueixón), Monforte de Lemos e Lourizán. Neste curso hai un total de 566 alumnos e alumnas cursando estudos nestes centros, un 9% máis que no anterior. O índice de inserción laboral dos seus estudantes é próximo ao cen por cento.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
