Cando o capitalismo entra en crise profunda e ademais se sinte ameazado por outros paises, neste caso China; ou outras alternativas ideolóxicas como aconteceu nos anos trinta do século pasado co comunismo, gran parte das elites económicas buscan a toda costa protexerse impulsando movementos reaccionarios.
Este parece ser o seu proceder histórico que hoxe estamos a constatar coa vaga reaccionaria que se está a extender polas democracias liberais de Occidente.
Tentan así, asegurar e reforzar o sistema de explotación e acumulación, de facelo máis eficaz frente ás economías emerxentes. Un obxetivo que pasa, entre outras medidas, por arrasar cosas democracias liberais, apoiando fórmulas abertamente autoritarias e neofascistas que teñen no Trump ismo a súa manifestación máis evidente.
As orixes deste proceso reaccionario que estamos a vivir coido que agromar das transformacións que se produciron no último cuarto do século XX e que deron lugar ao definitivo esfarelamento da URSS e ao desenvolvemento da globalización neoliberal coa inestimable axuda dos enormes avances tecnolóxicos.
Isto último deu pé a que o poder económico lograra emanciparse do poder político que quedou ancorado nos límites do Estado-nacion mentres a economía transcendíaos globalizandose.
Desta maneira se rompía o equilibrio entre poder político e poder económico e como consecuencia, as institucións democráticas deixarían de responder aos intereses do ben común para converterse en correa de transmisión dos grandes poderes económicos e financeiros. Foi o primeiro gran golpe á democracia.
Neste novo contexto, as devanditas democracias fóronse baleirando do contido que lles era propio para ir transformándose en instrumentos políticos controlados polos grandes poderes corporativos.
Esta fórmula de control dos sistemas democráticos serviulle ás elites económicas máis de tres décadas, o tempo que necesitou China para construír un robusto aparato produtivo e poder disputar lle a hexemonía a EEUU no taboleiro económico e xeopolítico.
Mentres, no eido interno dos países democráticos foi medrando un profundo malestar social froito de que as democracias, colonizadas polo poder económico globalizado, deixaron de dar as respostas axeitadas aos problemas e demandas de amplos sectores sociais, o que remataría por deteriorar substancialmente as súas condicións de vida e as súas expectativas de futuro.
En definitiva, diante deste panorama de perda de hexemonía exterior e profundo malestar social interior, unha gran parte das elites económicas que dirixen grandes corporacións e plataformas así como moitos multimillonarios, semella que decidiron darlle as costas ás democracias liberais para abrazar fórmulas abertamente autoritarias e neofascistas, nun intento de seguir conservando e afortalando o seu poder interior e exterior.
Agora só queda por ver se os amplos sectores sociais perxudicados polas decisións das grandes elites económicas son capaces de identificar ao auténtico inemigo e actuar en consecuencia. Do contrario, o segundo golpe á democracia será definitivo.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
