O sindicato presenta unha ampla batería de medidas para rebaixar os riscos do persoal
Lugo, 11 de febreiro, 2026. Dúas semanas despois da tráxica morte de dous traballadores de mantemento na A-8, ao seu paso por Guitiriz, CCOO convoca unha concentración para lembrar os compañeiros falecidos e esixir máis seguridade para as persoas que traballan na conservación das vías. A mobilización terá lugar este venres, día 13, ás 12:00, diante de Demarcación de Estradas, na Rolda da Muralla de Lugo.
«Queremos medidas efectivas e verificables. O persoal de mantemento non pode seguir traballando exposto a situacións de risco evitable. Seguridade é un dereito, non é un extra», asevera a secretaria xeral de CCOO do Hábitat Galicia, Alejandra Gesto.
Esta concentración é tamén un acto de recordo, respecto e solidariedade cos compañeiros falecidos e coas súas familias, un recoñecemento a unha profesión pouco valorada e imprescindible para a sociedade, e unha chamada colectiva para que as Administracións competentes actúen con determinación: ningún traballo vale unha vida.
En concreto, o sindicato reclama como medidas urxentes a análise real dos riscos por condicións atmosféricas adversas, cortes totais nas operacións de tapado de fochancas e máis control de velocidade en tramos de obras. O persoal de conservación e mantemento fai un traballo esencial e de alto risco, moitas veces exposto á circulación de vehículos a velocidades incompatibles coa presenza de persoas operarias na calzada, e tamén a condicións meteorolóxicas adversas que non sempre se reflicten nas alertas oficiais.
Solicitude de reunión e proposta de medidas adicionais
CCOO xa solicitou unha reunión á Demarcación de Estradas de Galicia para trasladar unha batería de propostas orientadas a reducir o risco e evitar que se repitan feitos tan tráxicos como os ocorridos na A-8.
Entre as medidas que CCOO considera prioritarias, destacan estas:
– Analizar as condicións adversas do tempo máis alá das alertas de MeteoGalicia e da Aemet:
O sindicato advirte de que fenómenos como a brétema, frecuente e especialmente perigosa na A-8 e noutras vías de Galicia, non sempre aparecen reflectidos con precisión nas alertas e poden darse situacións de visibilidade nula mesmo con aviso amarelo. CCOO reclama protocolos que incorporen criterios reais de visibilidade e risco, con capacidade para adaptar ou interromper traballos cando as circunstancias o aconsellen.
– Corte total de carrís e desvío de tráfico nas operacións de tapado de fochas:
Para CCOO, nas intervencións de maior exposición —como o tapado de fochas— debe implantarse o corte total desde distancias máis amplas e o desvío do tráfico, de modo que o risco por impacto de vehículos se reduza a cero para o persoal.
– Campaña específica da DXT para controlar a velocidade en tramos de obras:
O sindicato solicita á DXT que impulse unha campaña sostida de vixilancia e control de velocidade en zonas de obras e conservación, xa que unha parte considerable da condución non percibe nin valora o perigo real que supón exceder os límites en tramos sinalizados. CCOO reclama máis control e sanción, e tamén máis concienciación pública.
– Máis investimento no mantemento preventivo das estradas:
CCOO solicita investimento en traballos planificados, priorizándoo fronte ao mantemento correctivo da actualidade, con traballos urxentes, pouco planificados e prazos curtos. Débese dar prioridade á seguridade dos operarios fronte aos prazos dos traballos de urxencias.
– Máis vixilancia e supervisión por parte de Demarcación de Estradas:
CCOO solicita máis vixilancia e supervisión para detectar a falta de mantemento e necesidades das vías con antelación e a correcta planificación dos traballos, intentando minimizar os traballos urxentes.
– Máis investimento en formación específica:
“Solicitamos máis formación para o persoal, con cursos moito máis específicos e simuladores especializados COEX”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
