No pasado ano apoiáronse máis de 340 proxectos cun investimento de 12,6 millóns de euros, que permitirán crear 175 postos de traballo e consolidar outros 755 empregos
Chantada, 3 de febreiro de 2026. A conselleira do Medio Rural, María José Gómez, acompañada pola directora xeral da Axencia Galega de Desenvolvemento Rural, Paz Rodríguez; e polo alcalde de Chantada, Manuel Varela; salientou hoxe a contribución das axudas Leader ao desenvolvemento do tecido socioeconómico nas zonas rurais. Fíxoo na súa visita ás instalacións de Efigalia Energy, no polígono industrial dos Acivros, empresa que foi beneficiaria destas achegas.
Neste sentido, a conselleira explicou que proxectos coma este exemplifican o que supón o programa Leader. Concretamente, cunha achega de 200.000 euros financiouse a construción dunha nave para oficinas, almacén, montaxe e xestión de instalacións de enerxías renovables, con todas as dependencias e zonas necesarias para o seu funcionamento.
Todo isto, co obxectivo de ofrecer un mellor servizo, mellorar en competitividade e crear emprego. Cómpre engadir que, neste mesmo polígono industrial, a empresa Metal Carballedo tamén recibiu unha axuda de máis de 100.000 euros para realizar unha nave destinada a fabricación de mobiliario e carpintería de metal.
A titular de Medio Rural lembrou que onte publicouse esta convocatoria destas axudas, que se poden solicitar desde hoxe ata o 6 de abril, as cales están dotadas cun orzamento de 28,7 millóns de euros ata 2028, a maior da historia para o desenvolvemento rural. Gómez destacou que esta distribución por tres anualidades permitirá que os beneficiarios poidan desenvolver as súas iniciativas cunha maior marxe de tempo, xa que se financiarán proxectos produtivos xeradores de emprego e autoemprego, así como non produtivos que beneficien á poboación rural.
Ademais, esta convocatoria da intervención Leader volve incluír o Bono activa rural, unha subvención que se basea nun importe de axuda a tanto global destinada á creación e posta en marcha de actividades non agrarias nestas contornas, cunha subvención máxima de 18.000 euros.
Na visita, a conselleira aproveitou para facer fincapé na proposta da nova PAC e insistiu na necesidade de blindar os dous piares fundamentais, que son as axudas directas e os fondos para desenvolvemento rural, entre os que se atopa o programa Leader. Neste senso, reafirmou a importancia de dispoñer deste financiamento para seguir apoiando proxectos como o de Efigalia Energy.
Máis de 340 proxectos beneficiados en 2025
A pasada convocatoria de 2025 permitiu beneficiar máis de 340 proxectos e contou cun orzamento de 12,6 millóns de euros. Favorecerá a creación de 175 postos de traballo e a consolidación doutros 755. Asemade, 18 destes proxectos solicitaron a axuda co Bono activa rural.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
