Os concelleiros do PP afirman “non estamos a falar de simples baches, senón de auténticas fochancas que fan que circular por este acceso meta medo”
Vilalba, 1 de febreiro de 2026. O PP de Vilalba denuncia o pésimo estado no que se atopa o acceso ao polígono industrial de Vilalba, dende Baamonde, unha vía que presenta numerosos socavóns e desperfectos que supoñen un serio perigo para condutores e transportistas. “Non estamos a falar de simples baches, senón de auténticas fochancas que fan que circular por este acceso meta medo”, critican.
Para os populares resulta cando menos curioso o distinto criterio da alcaldesa á hora de reclamar actuacións segundo quen sexa o titular dunha infraestrutura. Recentemente, a rexedora criticou publicamente o estado da rotonda de acceso ao polígono —de titularidade da Xunta de Galicia— alegando que varias farolas estaban fundidas, o que reducía a visibilidade nun punto próximo ao enlace coa N-634 en dirección a Baamonde.
En contraposición, o goberno local “cala” ante o deplorable estado do acceso ao polígono industrial, unha vía que depende do Goberno do Estado e que se atopa nunha situación moito máis grave desde o punto de vista da seguridade viaria. “Esta falta de coherencia evidencia que as protestas da alcaldesa non responden ao interese xeral nin á seguridade dos veciños, senón a quen ostenta a titularidade da infraestrutura e a súa teima con confrontar sempre coa Xunta”, afirmaron.
Desde o Grupo Popular de Vilalba “esiximos á alcaldesa que actúe con responsabilidade institucional e defenda os intereses do municipio por riba de cores políticas, reclamando con firmeza ao Goberno central unha actuación inmediata para arranxar o acceso ao polígono industrial e garantir unhas condicións dignas e seguras para empresas, traballadores e usuarios”.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
