Ameijide recorda á presidenta que ten unha longa lista de tarefas pendentes sobre a mesa, como traballar no equipamento e apertura da residencia comarcal de Becerreá, “nas mesmas condicións que o resto de centros da rede”; ou acadar a igualdade para todos os veciños da provincia, independentemente do municipio no que residan, “algo que semella complicado xa que na xunta de goberno de hoxe repartirán os primeiros convenios a dedo con alcaldes afíns, seguindo o modelo marcado por José Tomé”
Lugo, 13 de febreiro de 2026. A piques de cumprirse un mes dende que tomou posesión coma nova presidenta da Deputación, Carmela López, aínda non deu conta “das liñas mestras” que se supoñen rexeran o seu mandato xa que “o único que vimos ata agora foi diversos tours por dependencias provincias para coñecelas, algo que xa debería ter feito xa que leva varios anos coma deputada provincial”.
O voceiro provincial popular, Antonio Ameijide, amosa a súa preocupación tras “un mes perdido” e, sobre todo, tralas declaracións realizadas por Carmela López nunha entrevista nun medio de comunicación, na que asegurou que dirixirá a entidade provincial do mesmo xeito que vén xestionando o Concello de Burela, do que é alcaldesa.
“Esta reflexión déixanos moi preocupados, xa que como alcaldesa é a responsable de que Cervo, Xove e Burela perderan un obradoiro de emprego porque Carmela López foi incapaz de presentar en tempo e forma a conta xeral”, sinalou.
A realidade é que a súa falta de dilixencia á fronte do Concello de Burela tivo consecuencias negativas para varios municipios da comarca xa que “neste mes que leva á fronte da Deputación o seu único cometido foi facer unha publicación diaria nas redes sociais”.
Ameijide afirma que “a súa falta de dilixencia á fronte do Concello de Burela supuxo a perda dunha oportunidade de formación e inserción laboral para persoas desempregadas da zona, evidenciando unha preocupante falta de planificación e responsabilidade administrativa”.
“A presidencia da Deputación de Lugo require rigor, compromiso e cumprimento da legalidade, especialmente cando están en xogo recursos e oportunidades para a veciñanza”, sinalou.
Neste senso, Ameijide recorda á presidenta que ten unha longa lista de tarefas pendentes sobre a mesa da presidencia, como traballar no equipamento e apertura da residencia comarcal de Becerreá, “nas mesmas condicións que o resto de centros da rede”; acadar a igualdade para todos os veciños da provincia, independentemente do municipio no que residan, “algo que semella complicado xa que na xunta de goberno de hoxe repartirán os primeiros convenios a dedo con alcaldes afíns, seguindo o modelo marcado por José Tomé”; ou mantemento de estradas provinciais, entre outras.
“Carmela López xa tivo varias ocasións de desmarcarse do legado de Tomé, pero semella que o único que lle preocupa e deixar o mando ao presidente na sombra, mentres ela segue a buscar fotos para publicar nas redes sociais”, lamentou, instando á presidenta da Deputación a “deixar atrás ese pasado que non queremos recordar na provincia e que traballe polos lucenses que levan dúas décadas vendo como a Deputación de Lugo os abandonou”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
