Foz, 13 de febreiro do 2026. O Concello de Foz acaba de asinar hoxe, venres, a transmisión de titularidade do edificio da residencia e centro de día co Consorcio Galego de Servizos de Igualdade e Benestar.
No ano 2008 o Concello de Foz acordou cederlle a esta entidade os terreos para a construción do inmoble que hoxe acolle a residencia. No 2017 o Consorcio asinou un novo convenio co Concello para a cesión de uso do ben. En xaneiro de 2023, finalizado o anterior convenio, asínase un novo, no que se inclúe a transmisión da titularidade do inmoble durante os catro anos de vixencia deste. Non é ata o ano 2025 cando se reúne a comisión de seguimento deste convenio e se plantexa que o Consorcio comezará a realizar os trámites necesarios para na maior brevidade ceder o ben.
O alcalde de Foz, Fran Cajoto, asinou hoxe, venres, a recepción da residencia “para poder seguir traballando na mellora do servizo, concertando prazas coa Xunta de Galicia ou negociando con outras administracións para que sexa asequible para todos. A Xunta de Galicia continúa a transmitir competencias sen financiamento a concellos e outras entidades locais coma as deputacións, como se ve no anteproxecto de lei de administración local. No caso dos servizos sociais xa é flagrante, xa que só ao Concello de Foz a Xunta adebédalle anualmente máis de 700.000 euros do servizo de axuda no fogar e da residencia”.
“Non conseguimos que a Xunta asumira as súas competencias en materia de residencias polo que será o Concello quen teña que continuar encargándose do servizo, neste caso xa co edificio, para poder buscar as mellores alternativas para que sexa un servizo público de calidade”, engade o rexedor municipal, que tamén explica que “ante o abandono da Xunta, o Concello é o único garante do benestar dos maiores: dedicámoslle anualmente 360.000 euros de fondos municipais, de todos, a pesar de ser competencia autonómica. Xa coa propiedade buscaremos fórmulas para continuar co mellor dos servizos e a un prezo asumible por todos. O que nos move da política é a xestión, traballar desde o goberno para mellorar os servizos aos nosos veciños”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
