A Comisión Andrea López Chao pecha a súa actividade que ao longo dos últimos anos pretendeu impulsar un recoñecemento institucional da mestra mindoniense
Mondoñedo, 16 de marzo de 2026.A Comisión Homenaxe a Andrea López Chao culmina mañá, 17 de marzo, o seu labor de recuperación e divulgación da figura da ilustre mestra mindoniense cun acto de recepción institucional no Parlamento de Galicia, no que participará un grupo de 17 persoas vencelladas ao proxecto.
A xornada inclúe dúas visitas programadas en Santiago de Compostela, tanto ao Consello da Cultura Galega como ao Parlamento de Galicia, co obxectivo de presentar o traballo desenvolvido nos últimos anos e reforzar a proxección pública da memoria e do legado de Andrea López Chao.
Durante as recepcións farase entrega dun amplo dossier documental que recompila as múltiples actividades impulsadas pola Comisión desde a súa creación, así como o monográfico e o libro de actas das xornadas celebradas en Mondoñedo e Vilalba en 2023. O documento recolle o proceso sostido de recuperación histórica desenvolvido entre 2022 e 2026, que abrangue actos en Mondoñedo, Vilalba, Lugo, Vigo, Ares, Madrid e A Habana, entre outros lugares.
Andrea López Chao (Mondoñedo, 1874 – A Habana, 1954) é unha das figuras máis destacadas —e ata hai pouco esquecidas— da diáspora galega e do movemento feminista de comezos do século XX. Mestra de formación, foi impulsora da sociedade Hijas de Galicia e responsable do Plantel Concepción Arenal na Habana, desde onde defendeu unha educación laica, progresista e igualitaria para as mulleres emigrantes. A súa intervención no Congreso Nacional de Mulleres de Cuba en 1923 consolidouna como unha das voces pioneiras do feminismo transatlántico.
A Comisión, creada en Mondoñedo en 2022, promoveu un amplo programa de actividades que incluíu xornadas divulgativas, publicacións, exposicións, colocación de placas conmemorativas, a dedicación dunha rúa en 2025 e a produción dun documental sobre o seu legado. O acto institucional do 17 de marzo de 2026 no Parlamento de Galicia supón o colofón deste ciclo de traballo, mais abre tamén unha nova etapa na que se aspira a consolidar definitivamente a presenza de Andrea López Chao na memoria colectiva de Galicia.
O concelleiro de Cultura, Alberto García, agradeceu o intenso labor desenvolvido pola Comisión ao longo destes anos. De maneira especial, recoñeceu o esforzo, a dedicación e a capacidade de coordinación de Luis Fernández Ansedes, cuxo impulso resultou determinante para a organización das numerosas actividades celebradas tanto en Galicia como no exterior, contribuíndo de forma decisiva á consolidación deste proxecto de reivindicación histórica e cultural.
Na Mariña será en Viveiro, na Praza Maior.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
