Na reunión analizouse tamén a evolución da seguridade no concello e o desenvolvemento dos plan de prevención impulsados polo Ministerio do Interior
Viveiro, 16 de marzo de 2026. A subdelegada do Goberno en Lugo, Olimpia López, presidiu hoxe a Xunta Local de Seguridade de Viveiro, unha reunión de coordinación na que participaron representantes das Forzas e Corpos de Seguridade e responsables municipais para preparar os dispositivos especiais con motivo da Semana Santa e da carreira por montaña CAMOVI.
Durante a reunión analizáronse os operativos que se activarán nas próximas semanas para garantir o correcto desenvolvemento destes eventos, que cada ano reúnen a miles de persoas na localidade.
A subdelegada destacou a “importancia da colaboración institucional e do traballo coordinado entre administracións e corpos de seguridade para garantir a seguridade e a boa organización de actividades con gran afluencia de público”.
No caso da Semana Santa de Viveiro, que se celebrará entre o 27 de marzo e o 5 de abril, reforzarase a presenza policial e a coordinación dos dispositivos de seguridade, tendo en conta o importante fluxo de visitantes que recibe o concello durante estas datas.
Tamén se abordou o operativo previsto para a celebración da CAMOVI (Carreira por Montaña Montes de Viveiro), que terá lugar os días 18 e 19 de abril e contará con diferentes modalidades deportivas, ademais da andaina Ramón Blanco e das probas infantís.
Durante a Xunta Local de Seguridade realizouse ademais unha análise da situación da seguridade cidadá no municipio. A subdelegada puxo en valor o traballo desenvolvido pola Policía Nacional, que logrou esclarecer máis da metade das infraccións penais rexistradas no último ano.
López tamén destacou a actividade preventiva que se está a desenvolver a través dos plans impulsados pola Secretaría de Estado de Seguridade. No marco do Plan Director para a Convivencia e Mellora da Seguridade nos Centros Educativos, realizáronse no presente curso 39 charlas dirixidas ao alumnado sobre riscos en internet, acoso e ciberacoso, violencia de xénero, adiccións ou delitos de odio.
Así mesmo, dentro do Plan Maior de Seguridade, dirixido ás persoas maiores, realizáronse seis actividades informativas no ano 2025 e hai outras dúas programadas ao longo deste ano.
A subdelegada subliñou que este tipo de iniciativas contribúen a reforzar a prevención e a sensibilización social, ao tempo que permiten achegar o labor das Forzas e Corpos de Seguridade do Estado á cidadanía.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
