Castiñeira lembra que na xestión desta zona están implicada dúas administracións: o Concello de Foz e a Dirección Xeral de Costas, dependente do Goberno do Estado. “Levamos anos solicitando a dragaxe desta entrada do río e ninguén nos fixo caso”, lamenta
Foz, 16 de marzo de 2026. O Partido Popular de Foz denuncia a situación “moi grave” que presenta na actualidade a desembocadura do río Ouro na zona da Pampillosa e reclama unha actuación inmediata para evitar riscos para os veciños e para as propias infraestruturas do lugar.
O portavoz municipal do PP, Javier Castiñeira, explica que a saída do río ao mar está practicamente colmatada por pedras e areas entre as dúas escolleiras laterais que canalizan a desembocadura. Segundo indica, esta acumulación está impedindo a correcta evacuación da auga, provocando que o río quede embalsado río arriba e que acabe desbordándose por unha das escolleiras.
Castiñeira advirte de que esta situación está a provocar un “debilitamento importante” da infraestruturas e atribúe o problema á “falta total de mantemento e de control por parte das administracións competentes”.
Neste sentido, lembra que na xestión desta zona está implicada dúas administracións: o Concello de Foz e a Dirección Xeral de Costas, dependente do Goberno do Estado. “Levamos anos solicitando a dragaxe desta entrada do río e ninguén nos fixo caso”, lamenta.
O portavoz popular alerta de que o actual estado da desembocadura pode provocar problemas graves, especialmente para os veciños que viven nas zonas próximas ao río. “En caso de inundacións ou de episodios meteorolóxicos adversos poderían producirse danos nas vivendas e nas propiedades da contorna”, advirte.
Por este motivo, o Partido Popular reclama unha actuación urxente para retirar as pedras e a area acumulada e liberar a saída do río ao mar. Ademais, considera necesario establecer unha planificación periódica de dragaxes na desembocadura do río Ouro para garantir o seu correcto funcionamento.
“Estase a poñer en perigo tanto a seguridade das persoas como a das propias infraestruturas, que poden estar sufrindo un desgaste moito maior por non ter o mantemento adecuado”, conclúe Castiñeira.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
