Foz, 25 de marzo de 2026. A UNED de Foz inclúe na súa programación para o vindeiro mes de abril oito actividades: sete cursos e a presentación dun libro.
A Aula da UNED de Foz presenta a súa programación de actividades para o mes de abril, cunha “oferta formativa diversa que abrangue ámbitos como a eficiencia enerxética, o desenvolvemento sostible, a preparación de oposicións, o benestar físico, a comunicación ou a educación”.
A programación comezará co curso Eficiencia enerxética no ámbito laboral, que se desenvolverá do 8 ao 29 de abril, en horario de 17:00 a 19:30 horas, en modalidade online. Do 13 ao 16 de abril terá lugar o curso sobre o Estatuto de Autonomía para opositores, en horario de 15:45 a 19:45 horas. “Entre as propostas máis destacadas tamén se atopa o curso Reconectar para Conectar: o poder da comunicación consciente, a cargo da psicóloga Alba Burundarena, que se celebrará os días 20 e 21 de abril, de 16:00 a 20:00 horas. Outra das citas relevantes será a presentación do libro A Faba e nós, de Alberto V. Serantes, prevista para o 23 de abril ás 19:00 horas na Biblioteca de Foz, tamén con opción online. Contará coa participación da súa ilustradora e deseñadora da portada, Araceli Paz. Esta actividade cobra un significado especial ao coincidir coa celebración do Día do Libro, reforzando o carácter cultural da xornada e a promoción da lectura”. A concelleira de Educación, Elena Martínez, puxo en valor esta iniciativa: “eventos como a presentación de A Faba e nós nun día tan simbólico evidencian a estreita colaboración entre a biblioteca municipal e a UNED, dúas entidades que traballan da man para dinamizar a vida cultural do noso concello”.
A oferta complétase con cursos como Inglés B1 para adultos – Repaso pre-exame (do 20 de abril ao 20 de maio), Responsabilidade Social Corporativa e Sistemas de Xestión Ambiental na empresa moderna (do 28 de abril ao 19 de maio) e Acompañando á dislexia: guía para familias e educadores (do 28 de abril ao 7 de maio). Este último a cargo da psicóloga especialista Alicia Lage, responsable da clínica Sinapsis e que contará coa colaboración especial nunha das sesións de dous membros do equipo de Change Dyslexia.
A coordinadora da Aula, Marta Muiña, destacou a importancia de ofrecer unha programación variada e accesible: “seguimos apostando por unha formación de calidade, adaptada ás necesidades actuais, combinando modalidades presenciais e online para facilitar o acceso a toda a cidadanía”.
As persoas interesadas poden obter máis información sobre a oferta formativa e o proceso de inscrición a través dos canais habituais da UNED ou directamente na propia Aula Universitaria.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
