A Presidenta e Alcaldesa de Burela estivo reunida cos responsables de cámara destes municipios, así como con familiares e amizades de veciños e veciñas caboverdianas residentes na provincia e coa Embaixadora de España neste país africano
Lugo, 12 de marzo de 2026. A Presidenta da Deputación de Lugo e Alcaldesa de Burela, Carmela López, iniciou en Cabo Verde a súa axenda institucional cunha primeira xornada na que visitou a capital, Praia, e os municipios de Ribeira Grande de Santiago e Porto Mosquito, onde mantivo encontros con responsables das cámaras municipais (alcaldes en España), con familiares e amizades de veciños e veciñas caboverdianas residentes en Burela e coa embaixadora de España no país, Ana Paredes. A visita permitiulle coñecer de primeira man territorios que manteñen unha estreita relación social e migratoria coa comarca da Mariña, especialmente con Burela, onde reside unha importante comunidade caboverdiana.
Durante a xornada, López mantivo reunións con representantes municipais das localidades visitadas para intercambiar impresións sobre a realidade social e económica destes territorios e reforzar os vínculos institucionais entre Cabo Verde e a provincia de Lugo. No marco da visita a Porto Mosquito, López achegouse ao Bar Galycia, un establecemento rexentado por veciños vinculados con Burela e que simboliza os lazos sociais e culturais entre ambos territorios. Ademais, puido visitar vivendas de familias con relación coa comunidade burelesa e coñecer a actividade pesqueira que se desenvolve na zona.
“Para nós é moi importante poder visitar estes lugares e coñecer a realidade das familias das que proceden moitos veciños e veciñas de Burela. A relación entre Cabo Verde e a comarca da Mariña vai moito máis alá da emigración: son vínculos humanos, familiares e culturais moi fortes”, sinalou.
Embaixadora de España en Cabo Verde
No marco da súa visita institucional, Carmela López mantivo tamén un encontro coa embaixadora de España en Cabo Verde, Ana Paredes, a quen trasladou a necesidade de reforzar a atención consular á comunidade caboverdiana residente na provincia de Lugo. Explicou que moitos destes veciños e veciñas teñen que desprazarse actualmente a Lisboa ou a Madrid para realizar trámites como a renovación de pasaportes ou outras xestións documentais. Aínda que recentemente se conseguiu que persoal consular se desprace a Burela nunha xornada para facilitar estes trámites, López sinalou que esta medida resulta insuficiente e plantexou a posibilidade de que estas visitas se realicen polo menos cada seis meses.
“A comunidade caboverdiana é unha parte esencial da nosa provincia e debemos facilitar ao máximo a realización destes trámites. Moitas destas persoas traballan no mar e pasan semanas embarcadas, polo que cando regresan supón un esforzo moi grande ter que viaxar tan lonxe para resolver cuestións administrativas”, indicou.
Participación no II Encontro Internacional de Mulleres Electas
Carmela López participa estes días en Praia no II Encontro Internacional de Mulleres Electas ‘As Elixidas’, organizado polo Fondo Galego de Cooperación e Solidariedade xunto coa Asociación Nacional de Municipios de Cabo Verde.
O foro reúne a máis de 130 alcaldesas e concelleiras de Cabo Verde, Mozambique e Galicia baixo o lema “Electas no local, unha voz global”, co obxectivo de compartir experiencias e avanzar na participación efectiva das mulleres no poder local.
No marco deste encontro internacional, Carmela López participará como relatora na mesa dedicada ás boas prácticas municipais con enfoque de xénero, na que compartirá a súa experiencia institucional tanto á fronte da Deputación de Lugo como na súa traxectoria no ámbito municipal.
A presidenta provincial destacou a importancia deste tipo de espazos de cooperación entre administracións locais para avanzar na igualdade e fortalecer redes internacionais de colaboración entre mulleres que exercen responsabilidades públicas.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
