Burela, 12 de marzo, 2026. A Sociedade Cultural Ledicia convoca o Concurso de Carteis da XL Feira do Bonito, que se celebrará os días 1 e 2 de agosto de 2026 na zona portuaria de Burela. O certame conta con dúas categorías e está aberto á participación de todas as persoas interesadas.
Categorías
• Categoría A: participantes ata 14 anos (incluídos)
• Categoría B: participantes maiores de 14 anos
Requisitos dos traballos
• O tema debe estar relacionado co bonito e/ou coa Feira do Bonito.
• O cartel debe incluír o texto: “XL Feira do Bonito – Burela, 1 e 2 de agosto de 2026”.
• Técnica libre.
• Medidas: Cat. A: 15 × 20 cm. Cat. B: 50 × 65 cm
• Os traballos presentados en soporte dixital deben incluír tamén unha copia impresa.
Presentación
Os orixinais entregaranse sen asinar, acompañados dun sobre pechado cos datos da persoa participante e a categoría.
Prazo: ata o 13 de abril de 2026
Lugar: Local social da Sociedade Cultural Ledicia (Rúa do Ril, 4 – Burela)
Formas de entrega:
• Presencialmente os luns 6 e 13 de abril, de 20:30 a 21:30 h
• Por correo postal
• Contactando coa directiva no caso de non poder acudir ao local
Premios
• Concederase un premio por categoría.
• O cartel gañador da Categoría A ilustrará o programa de man.
• O da Categoría B será o cartel oficial da XL Feira do Bonito.
• Os premios consistirán en obsequios representativos da Feira e entregaranse o propio día do evento.
Todos os traballos pasarán a ser propiedade da SCR Ledicia. A participación implica a aceptación das bases.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
