Viveiro, 12 de marzo, 2026. O vindeiro sábado 14 de marzo, ás 20:30 horas, o grupo de cámara Arundo Donax Ensemble ofrecerá un concerto na Igrexa de San Francisco de Viveiro, dentro do inicio das celebracións da Semana Santa da vila.
Programa do concerto
Continuando co seu proxecto “Serenata para Tutti”, a agrupación lucense chega a Viveiro cun programa renovado que incorpora novas pezas, mantendo a esencia da proposta: un percorrido musical desde a escola veneciana renacentista-barroca ata a creación contemporánea.
O concerto abrirase coas Canzonas da Sacrae Symphoniae de Giovanni Gabrieli, obras solemnes e de grande riqueza espacial, escritas para a Basílica de San Marcos de Venecia e situadas na transición entre o Renacemento e o Barroco.
A continuación, a célebre Tocata e fuga en Re menor de Johann Sebastian Bach achegará o dramatismo e a profundidade espiritual do barroco alemán.
O programa avanzará cara ao Romanticismo co lirismo íntimo do Idilio de Sigfrido de Richard Wagner, a enerxía das Danzas húngaras de Johannes Brahms e a emotividade do Intermezzo da ópera Cavalleria rusticana de Pietro Mascagni.
Como peche, In C-Dorian, de Frank Ticheli, ofrecerá unha perspectiva contemporánea que conecta pasado e presente a través dunha linguaxe vangardista, rica en cor sonora e intensidade expresiva.
Sobre a agrupación
Arundo Donax Ensemble naceu en 2025 co obxectivo de dotar á provincia de Lugo dun grupo profesional de cámara de referencia no ámbito do vento madeira, contribuíndo ao desenvolvemento cultural do territorio e achegando música de diferentes épocas á cidadanía.
A pesar da diversidade xeracional dos seus integrantes, todos eles contan cunha sólida formación e unha ampla traxectoria profesional, garantindo interpretacións de alta calidade. A dirección artística corre a cargo do prestixioso director David Fiuza, con experiencia á fronte de agrupacións autonómicas, nacionais e internacionais.
Tras un inicio de actividade moi positivo, con concertos en Chantada, Pontevedra e Lugo, esta actuación en Viveiro será a cuarta do Ensemble. Para este ano, a agrupación prevé seguir ampliando a súa presenza na axenda cultural galega, con novos concertos xa programados e outros proxectos en preparación.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
