En Alfoz, estanse a desenvolver actuacións en preto de 4 quilómetros do río Ferreira, consistentes na retirada de biomasa presente na canle fluvial para evitar atoamentos e tamén roza rozas puntuais e selectivas nos accesos á canle
Alfoz, 4 de marzo de 2026. A conselleira de Medio Ambiente e Cambio Climático, Ángeles Vázquez, explicou hoxe que a Xunta ten previsto actuar este ano en preto de 300 quilómetros de canles fluviais da demarcación hidrográfica Galicia Costa para garantir un bo estado de conservación e previr o risco de asolagamentos.
Durante a visita que realizou esta mañá aos traballos que se están levando a cabo no río Ferreira, en Alfoz, Ángeles Vázquez subliñou que esta planificación, que conta cun financiamento de 4 millóns de euros, inclúe tarefas ordinarias e preventivas de mantemento dos ríos, como a retirada de obstáculos e acumulacións de materiais, o control e xestión de vexetación, a eliminación de especies exóticas invasoras e a mellora da sección hidráulica das canles fluviais.
Nese senso, a conselleira fixo fincapé en que a programación destes traballos combina a planificación técnica de Augas de Galicia coa atención ás solicitudes presentadas por concellos e particulares, dando prioridade a aquelas intervencións que presentan unha maior incidencia sobre a seguridade das persoas e dos bens.
De feito, Ángeles Vázquez puxo en valor que os contratos continuados de conservación e mantemento fluvial que Augas de Galicia ten durante todo o ano permiten, ademais de actuar de forma permanente na prevención e retirada de biomasa das canles, acometer traballos de emerxencia cando é necesario.
A maiores, a conselleira lembrou que ata 2030 se van investir máis de 65 millóns de euros para reforzar este modelo de actuación integral nos ríos, que combina a prevención, planificación e protección das persoas e do territorio ante o risco de inundacións. As accións previstas van desde a predición e a conservación ata a execución de obras co fin de mellorar o comportamento dos ríos e reducir o impacto dos desbordamentos na contorna.
Río Ferreira, en Alfoz
No caso concreto que Alfoz, que hoxe visitou a conselleira, xunto co director de Augas de Galicia, Roi Fernández, as actuacións desenvolveranse en preto de 4 quilómetros do río Ferreira. Os traballos, que se prolongarán ao longo de catro semanas, consistirán na retirada de biomasa presente na canle fluvial para evitar atoamentos e tamén roza rozas puntuais e selectivas nos accesos á canle. Realizaranse coa aplicación de motoserras e outras ferramentas manuais, que contarán co apoio de maquinaria de maiores dimensións como un tractor.
Unha vez finalizadas as obras programadas polo organismo hidráulico dependente do Executivo galego, estes tramos fluviais quedarán despexados de maleza, posibilitando así a circulación fluída das augas. Neste caso, trátase ademais do mantemento de zonas catalogadas como de alto risco potencial significativo de inundación (Arpsi).
A maiores, a conselleira avanzou que tamén está previsto desenvolver outra acción deste tipo no concello de Alfoz. En concreto, será no río Ouro, nunha área que tamén está catalogada como Arpsi.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
