Foz, 28 de marzo, 2026. O BNG celebrou hoxe en Foz un encontro de cargos institucionais e municipais coa mirada posta nas eleccións de 2027, facendo fincapé na necesidade de aplicar tamén na Mariña o modelo de política municipal que a organización defende. O Bloque subliña que conta cun modelo propio, recoñecible e acreditado tanto nas experiencias de goberno como no labor de oposición, baseado na participación da veciñanza, na igualdade efectiva, na xustiza social, no fortalecemento dos servizos públicos, na protección do medio natural e na promoción da lingua e da cultura galegas.
A formación nacionalista aposta por defender Galiza desde o local, impulsando iniciativas que xeren riqueza a partir dos recursos propios. Nesa liña, a defensa do tecido produtivo é un dos piares fundamentais. “O noso modelo, o modelo do BNG, é recoñecible fronte a outras alternativas políticas, sempre coidando o noso territorio, a paisaxe e o medio ambiente como elementos da nosa identidade e da nosa economía”, lembrou Antonio Veiga, responsable comarcal.
Críticas ao anteproxecto da nova Lei de Administración Local
Durante a reunión abordouse tamén o financiamento municipal e o anteproxecto da nova Lei de Administración Local de Galicia. O BNG considera que o texto presentado polo Goberno galego resulta insuficiente e decepcionante, ao non resolver os conflitos competenciais entre administracións nin o problema do infrafinanciamento dos concellos. Segundo a formación, esta situación impide consolidar a autonomía local recoñecida na Carta Europea de 1985.
“Este anteproxecto está elaborado sen ter en conta a nosa realidade diferencial e sen vontade de resolver os actuais problemas municipais cun enfoque galego. É necesaria a mellora do financiamento local para poder ampliar os servizos básicos, porque os concellos non teñen suficiencia financeira”, afirmou Ana Ermida, alcaldesa de Barreiros.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
