O delegado subliña que o compromiso do Goberno de España con Galicia tradúcese en 737 millóns destinados desde 2018 á seguridade e modernización das estradas do Estado en Galicia
Barreiros, 27 de marzo de 2026. O delegado do Goberno en Galicia, Pedro Blanco, supervisou hoxe en Barreiros as obras de emerxencia que o Ministerio de Transportes e Mobilidade Sostible está a executar na N-634 para reparar os danos provocados polos últimos temporais dentro do Plan Especial de Estradas en Galicia, onde remarcou que “xa son máis de 20 días asfaltando simultaneamente nas catro provincias galegas, un despregamento sen precedentes de medios técnicos e humanos”. Estivo acompañado pola subdelegada do Goberno en Lugo, Olimpia López; a alcaldesa de Barreiros, Ana Ermida; a segunda tenente de alcaldesa, Carmen Veiga; e responsables da Demarcación de Estradas do Estado en Galicia.
Pedro Blanco avanzou que estes traballos “continuarán nas vindeiras semanas para garantir a mobilidade e a seguridade viaria da cidadanía”, e explicou que no caso da provincia de Lugo, o plan supón un investimento de arredor de 9 millóns de euros, dos que máis de 3,3 millóns corresponden ao sector LU-02, no que se inclúe a actuación en Barreiros, con intervencións tamén noutras vías clave como a A-8, a N-640 ou a N-642.
As obras que se están a executar consisten fundamentalmente no fresado e reposición do firme nos tramos máis deteriorados, con espesores variables segundo o estado da vía, co obxectivo de mellorar as condicións de circulación e reforzar a seguridade viaria.
O delegado subliñou que este Plan Especial mobiliza 38 millóns de euros extraordinarios que, sumados ao investimento ordinario, permiten alcanzar en 2026 a cifra récord de 167 millóns de euros destinados á conservación das estradas do Estado en Galicia, o maior investimento anual da historia recente.
Neste sentido, lembrou que o Goberno de España leva investidos 737 millóns de euros desde 2018 na modernización e seguridade da rede estatal en Galicia, e reafirmou o compromiso de seguir actuando alí onde sexa necesario, con grandes e pequenas intervencións, para garantir estradas seguras e en boas condicións en todo o territorio.
O Plan Especial permitirá actuar en preto de 2.000 puntos da rede estatal en Galicia, con traballos de asfaltado en 262 quilómetros de vías, a intervención sobre 1,2 millóns de metros cadrados de superficie e a extensión de máis de 260.000 toneladas de asfalto, mediante un amplo despregue de medios que inclúe arredor de 200 operarios, 75 máquinas e 60 camións.
Pedro Blanco incidiu en que este esforzo inversor reforza a cohesión territorial e a actividade económica, ao tempo que garante unhas infraestruturas viarias modernas, seguras e adaptadas ás necesidades de Galicia.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
