A Mariña, 27 de marzo, 2026. Ribadeo, Viveiro e Foz encabezan o interese dos usuarios que buscaron unha escapada rural en Lugo durante 2025, segundo un estudo elaborado por Sensación Rural e o10media a partir de miles de consultas en Google relacionadas con aloxamentos rurais en España. No caso da provincia de Lugo, rexistráronse preto de 60.000 buscas ao longo do ano.
O mapa de interese deixa unha tendencia clara: boa parte das consultas concéntranse en municipios vinculados ao litoral, ás rías e a espazos naturais moi recoñecibles, como a Praia das Catedrais. Aínda así, o ranking tamén inclúe localidades do interior cun forte valor monumental, o que reforza a diversidade turística da provincia.
Os 5 pobos de Lugo máis buscados en Google
1. Ribadeo (6.420 buscas)
Ribadeo lidera con claridade o ranking e consolídase como un dos grandes referentes turísticos da provincia. A súa proximidade á Praia das Catedrais, un dos espazos naturais máis coñecidos de Galicia, explica boa parte da súa notoriedade. A isto súmase a súa situación estratéxica na ría do Eo e na entrada do Camiño Norte de Santiago.
O casco histórico combina arquitectura mariñeira e señorial, con puntos destacados como o Palacio de Ibáñez, a Torre dos Moreno ou a igrexa de Santa María do Campo.
2. Viveiro (3.450 buscas)
Viveiro ocupa a segunda posición e destaca pola súa personalidade propia dentro da Mariña Lucense. A combinación de historia, tradición mariñeira e paisaxe converte a vila nun destino moi atractivo.
Conserva elementos do seu pasado amurallado, como a Porta de Carlos V ou a Porta da Vila, ademais de espazos emblemáticos como a igrexa de Santa María, o convento de San Francisco ou a Praza Maior. O seu entorno, con praias e miradoiros, reforza o seu atractivo.
3. Foz (2.940 buscas)
Foz confirma o peso da costa no interese turístico rural da provincia. A súa relación co mar, as praias e o ritmo tranquilo da vila convértena nun destino ideal para escapadas curtas. A proximidade a outros puntos destacados da Mariña aumenta a súa visibilidade nas buscas.
4. Monforte de Lemos (2.500 buscas)
Monforte representa o interior monumental de Lugo. O seu conxunto histórico e a súa vinculación coa Ribeira Sacra explican a súa presenza no ranking.
Entre os seus principais atractivos destacan o Monasterio de San Vicente do Pino, o Palacio dos Condes de Lemos, a Torre da Homenaxe, o Convento de Santa Clara e o Centro do Viño da Ribeira Sacra.
5. Mondoñedo (1.120 buscas)
Mondoñedo pecha o top 5 cun patrimonio propio dunha cidade histórica. A súa catedral é o seu gran símbolo, pero tamén destacan a igrexa de Santiago, o Santuario dos Remedios e o seu entorno natural, con restos arqueolóxicos como castros e dólmenes. A súa situación no Camiño Norte reforza o seu atractivo.
Un perfil turístico diverso: costa, patrimonio e natureza
O estudo mostra que Lugo proxecta unha imaxe turística moi completa, capaz de atraer viaxeiros interesados tanto en praias e paisaxes atlánticas como en conxuntos históricos, arquitectura tradicional ou territorios ligados ao Camiño de Santiago. Esta diversidade permite que a provincia responda a perfís de viaxeiro moi distintos.
Sobre Sensación Rural
Sensación Rural é un portal de turismo rural con máis de 12 anos de traxectoria e máis de 10.000 aloxamentos rexistrados en toda España. Ademais, ofrece información detallada sobre destinos, pobos e espazos naturais.
https://www.sensacionrural.es/
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
