A petición do alcalde do Valadouro, os senadores formularán unha pregunta para saber cando ten previsto o Goberno de Sánchez dotar a este cuartel de máis persoal; toda vez que “na actualidade só conta con 2 axentes” para atender a dous concellos con gran dispersión territorial
O Valadouro, 20 de marzo de 2026. Os senadores do PP por Lugo -José Manuel Barreiro, José Manuel Balseiro e Juan Serrano- levan ao Senado unha iniciativa para que o Goberno de España licite, adxudique e inicie a rehabilitación e mellora do Cuartel da Garda Civil de Ferreira do Valadouro ao longo do 2026.
O representante mariñán na Cámara Alta, José Manuel Balseiro, presentou a iniciativa xunto ao alcalde, José Manuel Lamela, para reclamar a mellora do cuartel como teñen acordado de forma unánime no Pleno da Corporación do Valadouro e tamén en Alfoz.
A proposta do Partido Popular inclúe actuacións nestas instalacións “conforme ao proxecto técnico que acredita a necesidade de reparación do patio interior e de adecuación dos accesos a todos os edificios, cunha valoración estimada de 190.000 euros, así como acometer cantas obras de reparación se consideren oportunas, conforme a criterios técnicos, e a dotar a este cuartel dos medios e persoal suficientes para acabar coa situación actual de precariedade que sofre esta instalación”.
Os populares explican que “o Goberno de Sánchez, en resposta oficial, dixo primeiro que as obras de reparación e rehabilitación que se consideren oportunas, conforme a criterios de dispoñibilidade, urxencia e necesidade se acometerían con cargo á partida dirixida á Comandancia da Garda Civil”. Despois, chegou a sinalar que “estaba prevista a reparación do patio interior e a adecuación dos accesos a tódolos edificios, en canto as asignacións orzamentarias o permitiran, cunha valoración inicial estimada de 190.000 euros”.
E, agora, nunha nova resposta oficial ás preguntas formuladas polos senadores do PP lucense, o Executivo estatal asegura que as actuacións recollidas no informe técnico de reforma y rehabilitación da casa cuartel de Ferreira do Valadouro están estimadas actualmente en 520.000 euros.
Os populares levan ao Senado unha iniciativa de impulso para “darlle un mandato claro ao Goberno de Sánchez” ante “os numerosos cambios criterios, múltiples contradicións e, sobre todo, a ausencia de prazos e datas concretas para executar os compromisos adquiridos fai meses”.
“O que queremos é que se executen dunha vez por todas as necesarias obras de mellora no cuartel de Ferreira do Valadouro co orzamento que sexa preciso para garantir a súa funcionalidade na actividade de servizo aos veciños e veciñas e para ofrecer unhas óptimas condicións nas vivendas dos axentes”, conclúen.
MÁIS AXENTES
Os representantes do PP lucense no Senado tamén avanzan que, a petición do alcalde do Valadouro, “formularemos unha pregunta para pedir explicacións ao Goberno de Sánchez sobre cando ten pensado dotar a este cuartel de máis persoal”; toda vez que na actualidade só conta con 2 axentes.
Lamela apunta que o cuartel de Ferreira, un dos máis antigos de Galicia, “presta atención a dous concellos con gran dispersión territorial” polo que precisa máis persoal. “É necesario dotar ao servizo de máis gardas”, conclúe.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
