Viveiro, 5 de marzo, 2026. O Grupo Municipal Socialista votou a favor no pleno do Concello de Viveiro da cesión da coñecida Casa dos Maestros á Xunta de Galicia para a súa rehabilitación e conversión en vivendas públicas.
Desde o PSOE subliñan que toda iniciativa destinada a ampliar o parque de vivenda pública e dar resposta ás necesidades das familias de Viveiro contará sempre co seu apoio. Consideran positivo que se avance cara a unha solución para este edificio histórico, que leva anos nun estado de deterioro.
Con todo, os socialistas lembraron durante o pleno que esta mesma proposta xa fora presentada á Xunta polo anterior goberno municipal. En xuño de 2024, sendo alcaldesa María Loureiro, mantívose en Santiago unha reunión coa tenente de alcaldesa e coa directora da Oficina de Rehabilitación e Vivenda, na que se expuxo a posibilidade de ceder o inmoble ao Instituto Galego da Vivenda e Solo para destinalo a vivenda pública.
Segundo explican, naquela ocasión a resposta da Xunta foi que non podía asumir este tipo de edificios, polo que se exploraron outras vías como liñas de axudas ou programas de rehabilitación. “Por iso resulta chamativo que o que hai ano e medio non era posible agora si o sexa”, indicou María Loureiro no pleno.
O PSOE considera que, se a Xunta mudou de criterio e agora está disposta a asumir a rehabilitación da Casa dos Maestros para crear vivenda pública en Viveiro, trátase dunha boa noticia para o municipio. Con todo, entenden que sería conveniente explicar que motivou ese cambio.
En calquera caso, os socialistas reiteran que o fundamental é que Viveiro poida sumar novas vivendas públicas e que un edificio histórico como a Casa dos Maestros recupere un uso social. Por iso, aseguran que apoiarán todas as iniciativas que avancen nesa dirección.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
