A comida de confraternidade no Restaurante Louzao mantén o mesmo horario o sábado 7
Viveiro, 5 de marzo de 2026. O Concello de Viveiro realizará unha modificación na programación prevista con motivo do Día Internacional da Muller, o 8-M. Os actos institucionais e de divulgación inicialmente programados para o sábado 7 de marzo trasladaranse ao domingo 8 de marzo, no mesmo horario previsto.
Deste xeito, a presentación da nova edición da «Ruta en feminino», a lectura do manifesto do 8-M e a actividade «Ruta en feminino» celebraranse o domingo 8 de marzo a partir das 12.00 horas. Tanto a presentación como a lectura do manifesto terán lugar na Sala Multiusos do Concello.
A continuación, desenvolverase a «Ruta en feminino», un percorrido polas rúas de Viveiro para poñer en valor a historia das mulleres da vila. A actividade contará co acompañamento de Carlos Nuevo Cal, cronista oficial de Viveiro, e realizarase en colaboración coa Asociación Mulleres en Igualdade Viveiro e con Antonio Lage Seara.
Pola súa parte, a comida de confraternidade prevista no Restaurante Louzao mantense sen cambios e celebrarase o sábado 7 de marzo ás 14.30 horas.
A programación do 8M continuará o venres 13 de marzo, ás 20.00 horas, coa mesa redonda «LIDERA+», centrada en boas prácticas, muller, emprego e inclusión. O acto terá lugar na Sala Multiusos do Concello e a entrada será libre ata completar aforo. Esta actividade está organizada por BUMEI Galicia en colaboración co Concello de Viveiro.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
