Burela, 30 de abril do 2026. A Casa da Cultura de Burela acolleu a celebración do Congreso da Infancia e a Adolescencia: sustentabilidade da actividade pesqueira e consumo responsable, unha iniciativa promovida pola Fundación Expomar co cofinanciamento do Fondo Europeo Marítimo, de Pesca e de Acuicultura 2021-2027, a Xunta de Galicia e o GALP A Mariña-Ortegal. A xornada reuniu centos de participantes —mocidade, profesorado, persoas maiores e público en xeral— nun programa que se desenvolveu en sesións de mañá e tarde.
Un encontro para a ‘Xeración Peixe’
O concelleiro do Mar de Burela, Ramiro Fernández, foi o encargado de abrir o congreso, animando ao alumnado a gozar dunha xornada “creada por vós e para vós, que sodes os grandes protagonistas da Xeración Peixe”.
A presidenta da Fundación Expomar e alcaldesa de Burela, Carmela López, destacou o vínculo histórico da vila co mar e recoñeceuse parte dunha xeración moi especial: “en Burela case temos escamas, porque entendemos o mar como unha forma de vida”. López lembroulles aos máis novos a sorte de medrar preto do mar e pediulles sentirse “orgullosos de ser de Burela e de vivir en Burela”.
A conselleira do Mar destaca a importancia da educación alimentaria e mariña
A conselleira do Mar, Marta Villaverde, participou tamén no encontro, subliñando a importancia de consolidar hábitos de vida saudables entre a mocidade e garantir o futuro do sector pesqueiro galego a través de proxectos como Xeración Peixe. Afirmou que fomentar o consumo de peixe e marisco entre nenos e adolescentes é “absolutamente prioritario para a Xunta”, lembrando que o peixe é un dos piares da dieta atlántica.
Villaverde puxo en valor o carácter integral do programa, que “une investigación, cultura, gastronomía, medio ambiente e artesanía para conectar á mocidade co esforzo dos profesionais do sector”.
A conselleira destacou tamén o investimento sostido da Xunta na comarca: máis de 107.000 euros entre 2024 e 2025 en accións de promoción como Produart ou as Xornadas do Orgullo Mariñeiro, fundamentais para poñer en valor o produto local e sostible.
Un programa cheo de actividades
A xornada incluíu múltiples accións desenvolvidas nos últimos sete meses:
Presentación da investigación “Ti es de peixe?”
Exposición “Crebas mariñas” tras limpezas de praias
Entrega dos premios do certame literario “Tinta de lura”, coa escritora Antía Yáñez
Presentación do “Petisco de peixe” a cargo de Higinio Díaz (IES de Foz)
Presentación do receitario “Maragota á pota”
Actividades lúdicas de A Mariña Lab
Actuación musical da Fundación Legar
Proxección do vídeo resumo do proxecto
Degustación de produtos pesqueiros elaborados polo alumnado da Escola de Hostalería do IES de Foz
Pola tarde, recordouse o valor dos obradoiros interxeracionais, nos que mocidade e persoas maiores compartiron contos, lendas, receitas e historias vinculadas ao patrimonio mariñeiro de Burela. Ademais, desenvolvéronse relatorios sobre mar, alimentación, gastronomía, saúde e nutrición, xunto cunha nova actuación musical e outra degustación final a cargo da Fundación Expomar.
Burela, epicentro da cultura mariña
Villaverde felicitou á Fundación Expomar, ao Concello e aos centros educativos e residencias colaboradoras pola organización desta “fantástica iniciativa” que reafirma a Burela como un epicentro da cultura mariña en Galicia. Confiou en que as experiencias vividas actúen como semente para fortalecer a relación da infancia cos produtos do mar:
“Oxalá este encontro sirva para espertar curiosidade, para reforzar coñecementos e para fomentar unha actitude máis consciente e responsable”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
