Burela, 16 de abril, 2026. O porto de Burela volveu destacar esta semana no Salón Gourmets de Madrid, onde se degustaron algunhas das especies máis representativas das súas frotas: pescada do pincho, bonito do norte, xarda e quenlla. A presenza no certame permitiu poñer en valor a calidade e diversidade dos produtos burelaos, así como o traballo das súas distintas frotas, líderes en varias pesqueiras a nivel galego e estatal.
No stand da Consellería do Mar, dentro do programa Galicia Sabe Amar, o chef Javier Montero (Hotel Restaurante Javier Montero, Ribadeo) protagonizou dous showcookings dedicados á Merluza D&B Burela e ao Bonito D&B Burela, con receitas maridadas con viños das D.O. Valdeorras e Ribeiro.
No Día da Muller na Cociña Atlántica, a chef Mar Orosa (Restaurante O Oviedo, Ribadeo) presentou novas elaboracións con merluza do pincho de Burela, acompañadas de viños da D.O. Monterrei.
Ademais, OPP Burela participou no espazo Alimentos de España dentro do programa Llena tu Mesa de Mar. O chef Ángel León presentou o seu embutido mariño de sobrasada de cabala, mentres que o galego Miguel F. Vidal elaborou pratos con xarda e quenlla do porto de Burela.
Todas estas accións forman parte do plan anual da OPP-7 Porto de Burela, cofinanciado pola Xunta de Galicia e o FEMPA, co obxectivo de reforzar a promoción e comercialización dos produtos pesqueiros da entidade.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
