A actuación supuxo un investimento total de 302.185 euros, incluíndo tamén a renovación da Rúa do Farillón, financiado integramente con remanente municipal
Cervo, 28 de abril, 2026. O Concello de Cervo vén de rematar a actuación integral na Rúa Rosalía de Castro, en pleno centro de San Cibrao, unha obra que permite transformar este espazo nunha contorna máis accesible, segura e pensada para as persoas.
A alcaldesa, Dolores García Caramés, visitou este mediodía a zona, xunto ao edil Adrián Arias e a concelleira Pilar Armada, para comprobar in situ o resultado final dos traballos, acompañada tamén por José Luis Sariego, da asociación de veciños, e por Toñita Casas, pedánea de San Cibrao, nun percorrido no que puideron valorar o cambio experimentado por esta vía clave do núcleo urbano.
A intervención permitiu ampliar de forma significativa as beirarrúas no lado contiguo ao xardín, gañando espazo peonil e favorecendo unha mobilidade máis cómoda e segura. No lado oposto renovouse o pavimento existente, mantendo o ancho pero mellorando a súa funcionalidade e estética, acadando unha imaxe uniforme co emprego de adoquín de formigón.
No que respecta á calzada, levouse a cabo unha rehabilitación superficial que mellora o estado do firme e a circulación rodada, mantendo a configuración da vía e garantindo unha convivencia equilibrada entre vehículos e peóns.
Os traballos completáronse coa renovación da sinalización horizontal, a posta a cota de pozos e arquetas, a reposición de mobiliario urbano, así como con melloras nas redes de saneamento e abastecemento e a modernización do alumeado público.
A alcaldesa destacou que “con esta actuación conseguimos unha rúa máis humana, na que o protagonismo recae nas persoas, gañando espazo público de calidade e mellorando a accesibilidade para toda a veciñanza”.
Engadiu que “non é só unha mellora estética, senón unha transformación profunda que adapta este espazo ás necesidades actuais, facendo de San Ciprián un lugar máis amable, cómodo e sostible”.
Así mesmo, puxo en valor que “este tipo de proxectos son fundamentais para avanzar cara a un modelo de vila centrado nas persoas, onde os espazos públicos conviden a vivir, pasear e compartir”.
A rexedora concluíu afirmando que “seguiremos impulsando actuacións que contribúan á humanización das nosas vilas, porque iso é investir directamente na calidade de vida da nosa veciñanza”.
A actuación contou cun investimento total de 302.185 euros, que inclúe tamén a renovación da Rúa do Farillón, financiado integramente con fondos municipais.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
