Ribadeo, 23 de abril, 2026. O BNG de Ribadeo anunciou que presentará no vindeiro pleno ordinario unha proposta para instalar unha placa conmemorativa na casa natal do artista Xusto Moreda, co obxectivo de recoñecer a súa traxectoria e poñer en valor a súa contribución á cultura galega.
Xusto Moreda foi un creador estreitamente ligado á vida cultural de Ribadeo, cunha obra que deixou unha fonda pegada no ámbito artístico galego. A súa sensibilidade estética e o seu compromiso coa expresión cultural propia convertérono nun referente para diversas xeracións, contribuíndo á proxección da identidade cultural da vila e do país.
O portavoz nacionalista, Martín Graña, destaca que se trata dunha iniciativa “sinxela pero cargada de significado”, orientada a preservar a memoria colectiva e reforzar o orgullo polo patrimonio cultural local. “Ribadeo debe honrar ás persoas que contribuíron ao seu legado artístico e cultural, e facelo desde o consenso institucional e social”, sinala.
O BNG subliña que a proposta pretende ser un punto de encontro entre todas as forzas políticas, apelando á colaboración para sacar adiante unha medida que consideran de interese xeral. “Estamos convencidos de que o recoñecemento a figuras relevantes da nosa historia común pode acadar un amplo consenso”, engaden.
A iniciativa tamén abre a porta a colaborar con entidades culturais e coa veciñanza para garantir que a homenaxe estea á altura da relevancia do artista, favorecendo ao mesmo tempo a divulgación da súa obra entre as novas xeracións.
O BNG anima ao conxunto da corporación municipal a apoiar esta proposta, confiando en que o pleno dea luz verde a unha acción que contribúe a poñer en valor o legado dunha das figuras destacadas de Ribadeo.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
