Foz, 29 de abril de 2026. “Mentres a oposición do PP de Foz se dedica a mentir por redes sociais e en prensa, o goberno municipal dedícase a traballar e conseguir cousas para o municipio”, explica a tenente de alcalde, Inés López Couto, que engade: “xa sabemos que non van aprobar as facturas, non lles interesa. Tampouco aprobaron as anteriores. A realidade é que só queren que ao seu pobo e ás empresas e autónomos lles vaia mal se iso significa que a eles lles vai mellor. Mentira e ruído, o seu único traballo neste concello é ese”.
Inés López Couto indica tamén: “claro que este goberno esta traballando nos novos orzamentos, que por suposto sabemos que non van aprobar, só queren poder mandar unha nota de prensa dicindo o malos que somos e o mal que o facemos. Pena que non os acompañen nin as motivacións, nin o argumentario, nin os números, nin sequera o seu pasado”.
Ademais a tenente de alcalde aclara que “o Concello de Foz non ten problemas para realizar os pagos dos seus compromisos. Ten os medios para facelo. Pena que a uns poucos lles interese poñer paus nas rodas para que non se faga polos seus intereses partidistas. É moito mellor que a factura de SOGAMA de novembro ou as dos talleres de Foz non se paguen porque ao Partido Popular lle interese usar o traballo desta xente para facer política e retrasarlles os cobros a unhas facturas que xa están tramitadas para o pago e que na súa meirande parte non se puideron tramitar porque entraron en xaneiro fóra do ano ao que correspondían. Non se victimicen, que de chantaxes o que máis sabe é o seu partido, só hai que ver o que acaban de facer en Madrid coa prórroga dos prezos dos alugueiros ou en Lugo coa Alcaldía”.
López Couto manifesta ademais: “como o outro día se fixo unha publicación nos perfís de redes da oposición chea de falsidades sobre a obra da Rúa Irmandiños vamos aclarar o traballo deste goberno en comparativa co do PP coa seguinte táboa:
Os arranxos realizados nestes pasados días na rúa foron executados pola empresa adxudicataria con cargo á súa garantía de obra, por esixencia deste Concello e a dirección de obra. En resumo: mellor xestión, mellor obra, uso de menos recursos, esixencia ás empresas adxudicatarias de cumprimento dos seus compromisos. O PP non pode dicir o mesmo na Avenida da Mariña, que finalmente tivo que volver arranxar este goberno despois da súa nula capacidade, ademais de continuar coas tubaxes vellas todas sen cambiar e executar un firme de 9 centímetros cando o proxecto marcaba 21 cm. Se actualizamos o seu prezo a prezos de hoxe en día é unha obra moito máis cara e con menos servizos ca Irmandiños, en definitiva, peor”.
“Deixen de mentir día si e día tamén, o PSdG cumpre os seus compromisos. Chegamos a un acordo co PP para o arranxo do campo de fútbol de Malates e xa está contratado o mesmo, nas próximas semanas comezarán os traballos. A diferenza do señor Castiñeira, que non cumpría os seus acordos cando gobernaba e non vixiaba que 9 centímetros non son 21”, finaliza a concelleira.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
