Ribadeo, 30 de abril, 2026. A asociación Os Abelleiros de Ribadeo colaborou un ano máis co IES Ribadeo Dionisio Gamallo impartindo a conferencia titulada “A avespa asiática e a importancia de trampear contra as raíñas”. A sesión estivo dirixida ao alumnado de 1º de ESO.
Marcos Villamil, acompañado por Jesús Rodríguez, explicou ao estudantado as características que permiten identificar a Vespa velutina, así como o seu ciclo vital e o seu comportamento. Durante a charla, destacouse o perigo que supón esta especie invasora para as abellas produtoras de mel e para os ecosistemas, nos que desempeñan un papel esencial como polinizadoras. Ademais, amosáronse diferentes tipos de trampas e líquidos atraentes empregados na loita contra esta especie.
Nas próximas semanas, o alumnado de 1º de ESO, guiado polas profesoras Noemí Rego e Susi Besteiro, construirá trampas caseiras utilizando botellas de plástico e preparará o atraínte a base de auga, azucre e lévedo. Algunhas destas trampas colocaranse no xardín do centro educativo, pero —como xa é tradición— cada estudante comprometerase tamén a instalar unha trampa fóra do instituto para capturar raíñas que están a saír da hibernación.
Segundo explican desde o centro, a captura dunha soa raíña evita a creación dun novo niño e, polo tanto, o nacemento de arredor de dúascentas novas raíñas fundadoras. Por este motivo, o IES mantén esta actividade desde a aparición da especie invasora, destacando o valor das accións individuais dentro do conxunto da comunidade.
O IES Ribadeo Dionisio Gamallo agradece a Marcos Villamil e a Jesús Rodríguez a súa colaboración e agarda poder trasladarlles bos resultados das capturas realizadas polo alumnado.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
