Vigo, 15 de maio, 2026. A recoñecida artista viguesa High Paw chega cunha nova banda ao completo, un paso decisivo que consolida o seu proxecto artístico. Nesta etapa preséntase acompañada de Zalo Rodríguez (Lontras) ás teclas, Decsus (Daydream Sessions) na batería, Brais Iriarte (LeBarLuthier) no baixo eléctrico e Laura Mercy (Dakidarría) nos coros. A formación constrúe un directo inmersivo baseado en sintetizadores e ritmos pesados, movéndose entre o reggae, o R&B e o hip hop.
A xira arrancou o 10 de abril en Mos (Sala Rebullón) e continuou o 3 de maio en Cambados (Krazzy Kray). As próximas datas inclúen este venres 15 de maio en Ponteareas (JJ Copas) e, especialmente, o 22 de maio en Viveiro, onde ofrecerá un dobre concerto xunto aos artistas lucenses ünder e Diego Flâneur en La Conservera. As entradas están dispoñibles en Fourvenues e tamén na billeteira da sala o propio día do evento.
Nova etapa como banda
Este novo rumbo marca un punto de inflexión na carreira de High Paw, que incorpora por primeira vez unha banda estable ao seu proxecto. A evolución chega tras un percorrido internacional consolidado: este ano actuou en Barcelona e Bristol, e ten confirmada a súa participación no verán en California, no festival Dub’n The Creek. A artista, cunha traxectoria marcada pola mestura de influencias, dá agora un salto cara a unha nova dimensión apoiada nun equipo propio.
Nun contexto no que a industria tende ao individualismo, High Paw aposta polo traballo colectivo e pola construción dunha identidade compartida. Ademais de sumar músicos ao directo, vén de unirse á axencia cultural A Seara, reforzando a súa filosofía de cooperación dentro do ecosistema musical galego.
A Braña: novo EP en 2026
Sobre o seu próximo traballo, High Paw explica que esta etapa consolida o seu son como un crisol de influencias: reggae, rub-a-dub, hip hop, R&B e soul. O EP levará por título A Braña, un concepto que para a artista funciona como un espazo simbólico: “A braña é un lugar no que habitar o non-lugar; a lama non é chan firme pero si sostén, e mantén húmidas as ideas e as líricas da Ra Velenosa, o meu alter ego como MC”.
Fiel ao seu estilo, a vocalista continúa apostando por un discurso crítico e unha estética audaz, afastándose das zonas de confort: “Exploro temas como a insubmisión e a irreverencia, abandonando máis ca nunca a complacencia, sobre todo sonora”.
Sobre High Paw
High Paw é unha artista viguesa cunha traxectoria de case dúas décadas, destacada pola súa capacidade para fusionar reggae, hip hop e música urbana en galego. Actuou en festivais de referencia e xirou por México, Europa e outros territorios, colaborando con artistas como Manu Chao, Wöyza, Dios Ke Te Crew ou Ortiga. Letras críticas, identidade propia e unha proposta bailable que conecta con públicos diversos definen o seu traballo.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
