Cervo, 15 de maio, 2026. O Concello de Cervo acollerá o III Festival Espallando Letras o vindeiro 17 de maio, unha cita cultural que se celebrará no Conxunto Histórico-Artístico de Sargadelos con motivo do Día das Letras Galegas.
No acto de presentación participaron a alcaldesa de Cervo, Dolores García Caramés, e representantes das tres asociacións organizadoras: a Asociación de Veciños de San Román, As Espalladoras e Airiños do Xunco, na propia contorna de Sargadelos, escenario do festival.
A alcaldesa destacou “a importancia de seguir impulsando iniciativas que poñen en valor a nosa lingua, a nosa identidade e o enorme potencial cultural do noso municipio”. Engadiu que “con este festival celebramos o Día das Letras Galegas do mellor xeito posible: enchendo Sargadelos de cultura, tradición, música e convivencia arredor das nosas raíces”.
García Caramés puxo tamén en valor “o traballo conxunto das tres asociacións organizadoras, procedentes de diferentes parroquias —San Román, Rúa e Cervo—, que unen esforzos para converter esta cita nun gran punto de encontro cultural nun lugar único como Sargadelos, referente patrimonial e creativo durante todo o ano”.
O III Festival Espallando Letras comezará ás 11:00 horas coa apertura da xornada. Durante a mañá haberá actividades infantís a cargo de Cabaliño de Pau, visitas ao obradoiro de forxa artística de Telmo Cao e unha degustación de Marmeladas A Morena.
Ás 13:00 horas celebrarase a lectura homenaxe ás Letras Galegas, dedicada este ano a Begoña Caamaño, seguida das actuacións de A Rebolaxe, Milicrocas e o grupo infantil SCR Ledicia.
A programación continuará ás 14:00 horas cunha proposta gastronómica popular con xamón cocido e empanada, aínda que a organización anima tamén a levar pícnic propio.
Pola tarde haberá talleres de peneira pequena e cestiña de flores secas en Hai Larán, ademais da actuación musical de Os Chiribicos ás 17:00 horas.
As actividades son gratuítas, aínda que se recomenda inscrición previa no teléfono 629 95 17 61 (Raquel). O mesmo día admitirase xente se quedan prazas dispoñibles. En caso de chuvia, a comida e as actuacións trasladaranse ao Pavillón de San Román.
O festival volverá converter Sargadelos nun espazo de celebración da lingua e da cultura galega, nun ambiente festivo, familiar e participativo. Será tamén unha oportunidade para coñecer de preto o traballo de proxectos como Cabaliño de Pau, Marmeladas A Morena, o obradoiro de Telmo Cao ou Hai Larán, parte esencial do ecosistema creativo e artesanal que fai especial este lugar.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
