“É preciso tamén un cambio de modelo de vivenda protexida e regular as VUT”
Mondoñedo, venres 8 de maio 2026. O BNG celebrou en Mondoñedo unha xornada sobre a vivenda, que se suma a outras que desenvolveron na comarca e máis que van a realizar, dado que é un dos problemas máis acuciantes que está a sufrir A Mariña, especialmente a xente moza. Na xornada, titulada “A vivenda nos cascos históricos. Retos e solucións” ademais dos concelleir@s Pepa Carballeira e Eloi Cabanas e o deputado Daniel Castro, participaron tamén o arquitecto Xaquín Moreda González, concelleiro de Servizos Urbanos no concello de Pontevedra que falou sobre “A recuperación do espazo público para as persoas”. A doutora en Xeografía e Historia pola USC, María Xosé Piñeira disertou sobre “Os desafíos do centro histórico vivo: habitar, comerciar e permanecer”.
Área Rexurbe: A Xunta non ten capacidade nin vontade de executala nos prazos anunciados
A área de rexeneración urbana de interese autonómico (Rexurbe) deseñada para o conxunto histórico de Mondoñedo e unha zona contigua de características similares (rúa Álvaro Cunqueiro, San Roque e a parte alta da estrada dos Remedios) foi un dos temas que se analizou tamén nesta xornada.
Eloi Cabanas sinalou que non se están cumprindo os prazos de execución dados pola propia Consellería nas intervencións programadas na área Rexurbe de Mondoñedo e o Plan de Dinamización da área de rexeneración aprobado polo Consello da Xunta tampouco se está respectando. Estes retrasos foran denunciados hai xa un ano no Parlamento polo deputado mariñao Daniel Castro, pedindo explicacións e esixindo prazos concretos de intervención ante unha situación que os nacionalistas non consideran asumible despois de máis de cinco anos desde a súa declaración pola Xunta, que prevía tamén un prazo de execución de 20 meses na anualidade 2020-2024, con actuacións previstas para 13 inmobles. Así mesmo ía aparellado un Plan de Dinamización 2021-2024, que tampouco se levou adiante. Para o BNG “é inconcebible que ate agora os avances foran mínimos cando é a propia Xunta quen se marcou os prazos, e nunha cidade coma Mondoñedo que foi o primeiro concello declarado Área Rexurbe” manifestou Eloi Cabanas.
Accesibilidade, sostebilidade, mobilidade activa, peonalización, rehabilitación e rexeneración de espazos
O arquitecto Xaquín Moreda, concelleiro en Pontevedra, centrou a súa intervención no traballo desenvolvido na súa cidade , especialmente no que tén que ver coa recuperación dos espazos urbanos para as persoas para transformar as cidades, priorizando ao peón sobre o vehículo, fomentando a socialización, a accesibilidade e a sostebilidade, con espazos de encontro, mobilidade activa e a penalización e humanización, e todo nun contexto de rehabilitación e rexeneración de espazos degradados, seguindo normativas como a Lei 1/2019, da que emana o Rexurbe, no que a cidade de Mondoñedo é pioneira.
Os prezos da vivenda corren máis ca o incremento dos salarios
Pola súa banda, a doutora María Xosé Piñeira aportou datos tales como que o esforzo financeiro que teñen que facer as familias para acceder á vivenda e que na maior parte dos casos supera o 30% dos seus ingresos, porque os prezos da vivenda corren máis que o incremento dos salarios, estes subiron un 21%, pero as vivendas en compra un 24,3% e en alugueiro un 24,7%.
Referiuse tamén á evolución de vivenda e creación de fogares e subliñou que no período 2020-2024, os fogares incrementáronse nun 22%, cunha etapa até 2007 no que a creación de vivenda era moi superior á creación de fogares, tendencia que mudou a partir dese ano, dende o que se rexistra un decrecemento importante no número de vivendas construídas, evidenciando un desequilibrio, xa que hai creación de fogares, pero non hai creación de vivenda.
Cambio de modelo de vivenda protexida e regular as VUT
Piñeira explicou tamén que á hora de asentar unhas bases para unha política pública de vivenda é necesario focalizar a atención en rehabilitar en lugar de construír de novo, que non significa que non se siga construíndo. Tamén apelou a atender a un cambio de modelo de vivenda protexida para que esta conte con cualificación permanente e a regular as VUT e o alugueiro turístico.
Defendeu tamén políticas diferenciadas para as contornas urbanas, periurbana e rural, ao seren territorios cunhas problemáticas e unhas casuísticas totalmente diferentes.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
