A alcaldesa, Marta Rouco, destaca a importancia desta actuación e a urxencia de aprobar os proxectos para iniciar as obras sen demora
Vilalba, 3 de maio de 2026. O Concello de Vilalba celebrará o martes 5 de maio un pleno extraordinario no que se someterán a aprobación varios proxectos de obra cun investimento conxunto superior aos 1,5 millóns de euros, co obxectivo de activar actuacións prioritarias en infraestruturas municipais.
Renovación integral da rede de saneamento da rúa Plácido Peña
O proxecto máis destacado é a renovación da rede de saneamento da rúa Plácido Peña, cun investimento de 1 millón de euros. Trátase dunha intervención prioritaria para resolver problemas históricos de filtracións, perdas e deficiencias derivadas do paso do tempo.
A actuación permitirá modernizar o sistema de recollida de augas residuais, mellorar a eficiencia e evitar incidencias que afectan directamente á veciñanza. O financiamento procede do convenio entre a Confederación Hidrográfica Miño-Sil e o Concello de Vilalba.
A alcaldesa, Marta Rouco, subliñou que se trata dun “servizo básico que non sempre se ve, pero que é fundamental no día a día da veciñanza”, e destacou que esta obra permitirá “solucionar problemas existentes dende hai décadas”.
Melloras en accesos e vías municipais
O pleno tamén abordará outras actuacións relevantes:
Rexeneración dos accesos ao núcleo de Cabanamille (Belesar), cun investimento de 48.000 euros, para mellorar a seguridade e o estado da vía que conecta coa LU-P-6511.
Reforzo do firme no acceso ao polígono industrial desde a LU-P-6502, cun orzamento de 150.000 euros, mellorando un dos principais accesos á área empresarial.
Modificación do viario no campo da feira para crear un novo espazo infantil máis seguro e adaptado ao uso por parte de nenos e nenas.
Rexeneración de vías municipais en Oleiros, Román, Lanzós e San Simón da Costa, con actuacións de limpeza, mellora do firme e sinalización para favorecer a mobilidade no rural.
A alcaldesa destacou que estes investimentos “melloran servizos básicos, accesos e espazos públicos”, e insistiu en que o obxectivo é “actuar onde hai necesidades reais e facelo con responsabilidade”.
Rouco concluíu que “o importante é avanzar, aprobar estes proxectos e poñelos en marcha canto antes, porque detrás de cada obra hai unha mellora directa na calidade de vida da veciñanza”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
