Viveiro, 9 de maio, 2026. O PSOE de Viveiro trasladou o seu apoio ás mobilizacións celebradas nos últimos días en defensa do ensino público e da atención ao alumnado con necesidades específicas. Nas protestas participaron familias, profesorado, alumnado e colectivos sociais da comarca.
Representantes socialistas estiveron presentes na concentración da Praza Maior de Viveiro, onde apoiaron ás familias e ás asociacións que reclaman máis recursos para garantir unha educación pública de calidade, con menos masificación nas aulas e cun reforzo real de profesionais especializados, especialmente para atender a nenos e nenas con necesidades educativas especiais.
O partido destacou tamén o traballo e a implicación de colectivos como Asfanemor Familias, que participou activamente na mobilización reclamando máis apoio, máis especialistas e unha atención digna para os menores e as súas familias.
Críticas á ausencia da alcaldesa
Desde o Grupo Municipal Socialista lamentaron a actitude da alcaldesa durante a concentración da Praza Maior. Segundo explican, a rexedora atopábase na praza tras un acto da Garda Real e “decidiu pasar de longo sen achegarse a falar coas familias, coas nais e pais nin cos colectivos presentes”.
O PSOE de Viveiro considera positivo que a alcaldesa participe en eventos, festas e actividades sociais dirixidas á veciñanza, pero lembra que un representante público tamén debe estar presente cando se defenden cuestións fundamentais para a cidadanía.
“De pouco serve presumir de festas, actos ou celebracións se despois non se está ao lado da xente cando se reclaman cuestións tan importantes como unha sanidade pública digna ou unha educación pública con recursos suficientes”, sinalan.
Paralelismos coa situación sanitaria
Os socialistas lembran que esta situación non é nova. Segundo indican, a alcaldesa tampouco participou nas concentracións convocadas diante do Centro de Saúde de Viveiro para reclamar máis médicos e mellores servizos sanitarios para a comarca.
“Un alcalde ou alcaldesa representa a todos os veciños e veciñas, e iso implica estar tamén cando hai problemas, cando hai preocupacións sociais e cando as familias necesitan apoio institucional”, afirman.
Chamamento á responsabilidade institucional
Desde o PSOE insisten en que gobernar non pode limitarse a acudir a actos festivos ou institucionais, senón que require implicación e compromiso cos problemas reais da cidadanía.
“Parécenos ben que haxa festas e actividades, porque tamén son importantes para a convivencia e para dinamizar o municipio, pero hai prioridades fundamentais que non poden ignorarse, como a sanidade pública, a educación e a atención aos nenos e nenas con necesidades especiais”, conclúen.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
