O delegado territorial de Lugo, Javier Arias, visitou varios establecementos da capital adheridos a unha nunha nova edición deste programa, que busca dinamizar as vendas a nivel local
Lugo, 27 de maio de 2026. A Xunta abriu hoxe o prazo para que os cidadáns interesados soliciten os Bonos Activa Comercio, que poderán empregar en máis de 750 establecementos da provincia inscritos polo momento na campaña, case 250 deles situados na capital. Ata o esgotamento do crédito poden seguir sumándose novos negocios.
O delegado territorial de Lugo, Javier Arias, visitou hoxe catro tendas lucenses adheridas ao programa, impulsado polo Goberno galego para incentivar as compras nos establecementos de proximidade. As firmas que visitou foron Landra Shop, Mariña, Cepecé e a xoiaría Lamela.
Arias salientou a boa acollida que está a ter de novo a medida, tanto pola cidadanía como polo sector. De feito, adiantou que nas primeiras tres horas dende que abriu o prazo para descargar os bonos – entre as nove da mañá e as doce, aproximadamente – xa se mobilizaran preto de 90.000 euros na provincia de Lugo, arredor de 33.000 só na capital.
Descarga
Cada usuario pode descargar un único bono en formato dixital QR a través da web www.bonosactivacomercio.gal. O importe total dos descontos será 30 euros, que se irán consumindo en función do valor das compras.
Como principal novidade, nesta ocasión sortearanse a través das redes sociais da Xunta catro premios adicionais de 250 euros para gastar nunha ou varias tendas colaboradoras da campaña.
Arias destacou o éxito desta medida iniciada no ano 2021 para axudar a fortalecer o comercio de proximidade, un sector económico estratéxico a nivel local. A actual edición está dotada con 2,5 millóns de euros, coa previsión de mobilizar 8,5 M€ en vendas.
Ao longo do ano 2026 haberá unha segunda convocatoria dotada co mesmo orzamento, pero os comercios que xa se inscribiran este ano non terán que volver a facelo, para avanzar así na simplificación administrativa.
Descontos
En canto aos importes dos bonos, ás compras iguais ou superiores a 20 euros e inferiores a 30 corresponderalles un desconto do 5 euros. A rebaixa será de 10 euros para as compras iguais ou superiores a 30 euros e inferiores a 50. A partir desta cantidade, o desconto alcanzará os 15 euros.
Non hai límite de usuarios pero unha vez esgotado o crédito, os bonos descargados xa non se poderán utilizar, mesmo aínda que non se teñan consumido na súa totalidade. Ademais, co fin de incrementar as vendas, establécese a incompatibilidade dos bonos Activa Comercio con calquera outra axuda destinada á mesma actuación subvencionable dentro dunha mesma compra.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
