A Mariña, 5 de maio, 2026. A plataforma Queremos Galego, xunto con diversas organizacións sindicais, profesionais, culturais, sociais e políticas que participaron na elaboración do protocolo Lingua Vital, anima a todas as persoas comprometidas coa lingua galega a sumarse á manifestación do vindeiro 17 de maio. O obxectivo é culminar este proceso cun acto público reivindicativo e facer visible a demanda cidadá de políticas máis ambiciosas para revitalizar o galego.
Críticas á falta de acción institucional
Durante a presentación da mobilización, o voceiro de Queremos Galego, Marcos Maceira, sinalou que, segundo recollen diversas entidades e colectivos, o goberno da Xunta non está a ofrecer respostas á situación de emerxencia lingüística. Tamén se destacou que non se teñen cumprido os prazos de renovación do Plan Xeral de Normalización da Lingua Galega, establecidos pola propia administración.
Segundo expuxo Maceira, o proceso Lingua Vital preséntase como unha alternativa elaborada de maneira ampla, participativa e plural, coa intención de abrir un novo camiño para fortalecer o uso social do galego.
Servizo de autobuses desde todas as comarcas
A manifestación partirá ás 12:00 h da Alameda de Santiago. Para facilitar a asistencia, habilitarase un servizo de autobuses desde todas as comarcas, incluída A Mariña.
Para reservar praza no bus da Mariña pódese contactar a través dos teléfonos:
982 140 654 (Foz)
982 581 861 (Burela)
Tamén é posible anotarse mediante calquera persoa integrante de Queremos Galego na comarca.
Un apoio amplo e diverso
O proceso Lingua Vital e a mobilización do 17 de maio contan co apoio de entidades moi diversas, entre elas: sindicatos: CIG, UGT, CCOO, STEG; organizacións de familias e educación: Colexio de Educadoras e Educadores Sociais de Galicia, Asociacións de Nais e Pais Galegas, Confapa, Fapa Ourense. Entidades culturais e sociais: Fundación Galiza Sempre, Vía Galega, Avante LGBT+. Organizacións xuvenís e políticas: Galiza Nova, BNG, entre outras
Un 17 de maio para reivindicar máis galego
A mobilización pretende facer chegar ao actual goberno da Xunta a demanda cidadá de máis presenza da lingua galega e de políticas máis decididas para a súa promoción. O proceso Lingua Vital preséntase como unha proposta alternativa para avanzar nese camiño.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
