A renovación do saneamento da rúa Plácido Peña, cun investimento de máis de 800.000 euros, marca un pleno centrado nas necesidades reais da veciñanza
Vilalba, 5 de maio de 2026. O Concello de Vilalba aprobou esta mañá, nun pleno extraordinario, un paquete de proxectos que supoñen máis dun millón de euros en investimentos destinados á mellora de servizos básicos e infraestruturas tanto no casco urbano como nas parroquias. A maioría das actuacións contaron co apoio unánime da corporación, agás a renovación do saneamento da rúa Plácido Peña e a modificación do viario no campo da feira, nas que o PP se abstivo.
Renovación do saneamento en Plácido Peña: 817.944 euros
Entre as actuacións destaca a renovación integral da rede de saneamento da rúa Plácido Peña, cun investimento de 817.944,21 euros. Trátase dunha intervención clave para mellorar o funcionamento dun servizo esencial e resolver problemas de filtracións e deficiencias existentes.
A alcaldesa, Marta Rouco, subliñou que se trata dun proxecto “fundamental para garantir un servizo básico en condicións”. Ademais, reclamou un maior compromiso das administracións competentes no ciclo da auga, lembrando que a veciñanza de Vilalba achegou 1,8 millóns de euros a Augas de Galicia desde 2012, dos que só se revertiron 15.000 euros mediante unha subvención solicitada polo Concello.
Melloras en accesos e viarios no rural
O pleno aprobou tamén:
– Rexeneración dos accesos a Cabanamille (Belesar): 48.380,64 euros
– Actuación no acceso ao polígono industrial desde a LU-P-6502: 150.000 euros
– Melloras en vías municipais en Oleiros, Román, Lanzós e San Simón da Costa
Estas intervencións buscan reforzar a accesibilidade e a seguridade viaria en puntos estratéxicos do municipio.
Novo espazo infantil no campo da feira
Tamén saíu adiante a modificación do viario no campo da feira para crear un novo espazo infantil, financiado a través do Plan Deputación.
Unha liña de traballo continuada
A alcaldesa destacou que estes investimentos “chegan a todo o territorio e responden a necesidades reais da veciñanza”, reafirmando o compromiso do goberno local con seguir avanzando na mellora de Vilalba.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
