A reforma impulsada desde a Alcaldía moderniza completamente o espazo, que contará con novo mobiliario, mellora acústica e capacidade para 36 usuarios e usuarias
Vilalba, 19 de maio de 2026. O Concello de Vilalba reabre este mércores, 20 de maio, a aula de estudo da Biblioteca Municipal Agustín Fernández Paz, tras a reforma integral realizada no primeiro andar do edificio. A actuación supón unha transformación notable das instalacións.
A alcaldesa de Vilalba, Marta Rouco, e o concelleiro de Infraestruturas Urbanas, Luis Fernández, visitaron hoxe o espazo coincidindo coa finalización dos traballos.
Esta intervención forma parte do proxecto de remodelación integral do primeiro andar da biblioteca, impulsado desde a Alcaldía, e que permitiu reorganizar e modernizar completamente este espazo municipal.
A renovada aula de estudo conta cun deseño máis funcional e adaptado ás necesidades actuais dos usuarios, incorporando novo mobiliario, melloras acústicas e unha iluminación específica para favorecer o estudo e a concentración. O espazo dispón agora de 36 postos distribuídos en seis mesas, todas elas con conexión directa á electricidade.
Ademais, instalouse un novo teito acústico para reducir a reverberación e mellorar o confort, así como luminarias LED que garanten unha iluminación máis eficiente e homoxénea.
A aula manterá o seu horario habitual, de luns a venres entre as 8:00 e as 21:00 horas, ofrecendo un servizo continuado que permite aos estudantes empregar o espazo durante todo o día sen interrupcións.
A alcaldesa, Marta Rouco, destacou que “esta actuación supón unha mellora moi importante para un espazo moi empregado polos estudantes de Vilalba e por moitas persoas que utilizan diariamente a biblioteca”. Tamén puxo en valor “o horario continuado de 13 horas, sen peche ao mediodía, que facilita que os usuarios poidan organizar o seu tempo de estudo con maior comodidade”.
Pola súa banda, o concelleiro de Infraestruturas Urbanas, Luis Fernández, subliñou que “a reforma permitiu modernizar completamente unha instalación que precisaba adaptarse ás necesidades actuais, tanto desde o punto de vista funcional como do confort e da eficiencia”.
A actuación abrangueu preto de 150 metros cadrados do primeiro andar e permitiu tamén habilitar a nova aula Agustín Fernández Paz, un espazo expositivo e divulgativo que acollerá parte dos fondos persoais doados pola familia do autor ao Concello de Vilalba. Estes fondos deberán pasar por un proceso de catalogación previo á súa exposición e posta en valor dentro desta nova aula dedicada á figura do escritor vilalbés.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
