Viveiro, 22 de maio, 2026. Viveiro acollerá o venres 29 e sábado 30 de maio o 1º Concurso de Miniburguers, unha iniciativa impulsada pola Asociación de Comerciantes do Centro Histórico co obxectivo de dinamizar a actividade comercial e hostaleira da vila, ofrecendo ao mesmo tempo unha experiencia culinaria diferente e atractiva.
Nesta primeira edición participarán sete locais, que elaborarán as súas propias creacións en formato miniburguer. As propostas son as seguintes:
– Muro Restaurante · Miniburguer de pulled pork
– Vinoteca Los Leones · Miniburguer Los Leones (porco celta, rulo de cabra e cebola caramelizada)
– Cornelius · CorneBurguer (tenreira, papada, chutney de mango e cebola crocante)
– La Tortilla Maravilla · TortiBurguer (tortilla de patacas con cebola como protagonista)
– Casa Pepi · Miniburguer de carrilleiras
– Bar A Zapatería · Miniburguer caramelizada de tenreira
– Mesón A Ría · Miniburguer de porco celta
As miniburguers poderanse degustar a mediodía e pola noite, cun prezo único de 4 euros.
Nun momento no que as hamburguesas viven un gran auxe gastronómico, o Centro Comercial Histórico de Viveiro aposta por trasladar esta tendencia ao formato mini, promovendo unha experiencia de “minicociña” creativa e de calidade elaborada polos locais participantes.
A elección da mellor miniburguer quedará en mans dos propios clientes, que poderán votar a súa favorita na App ViveiroCCH, escaneando os códigos QR dispoñibles nos flyers dos establecementos. O local gañador recibirá a “Miniburguer Dourada” desta primeira edición. Ademais, entre todas as persoas votantes sortearase unha cea para dúas persoas.
Deste xeito, o público convértese no verdadeiro protagonista do concurso, premiando a súa creación favorita e optando tamén a desfrutar dunha experiencia gastronómica especial.
Desde a organización anímase á veciñanza e visitantes a achegarse ao centro histórico durante estes dous días e gozar dunha proposta única que combina sabor, ocio e comercio de proximidade.
Toda a información e as bases poden consultarse en www.viveirocentro.com ou na App ViveiroCCH.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.