Ribadeo, 5 de xuño, 2026. A Feira da Ciencia de Ribadeo 2026 está a piques de celebrarse. O alumnado e profesorado do CEIP Plurilingüe Gregorio Sanz, CPR Plurilingüe Sagrado Corazón, CIFP Porta da Auga e IES de Ribadeo Dionisio Gamallo unirán esforzos para converter Ribadeo nun faro de ciencia, lema da XXXI edición, que terá lugar os días 10 e 11 de xuño no IES de Ribadeo Dionisio Gamallo. Así figura no cartel oficial, baseado nun debuxo do alumno Daniel Quirós e acompañado dun logo que simboliza o obxectivo común e a colaboración entre os catro centros educativos da vila.
A feira abrirá as súas portas ao público o mércores 10 de xuño, de 10:00 a 14:00 horas. A media mañá celebrarase a inauguración oficial, coa recepción das autoridades e unha homenaxe ao profesor Francisco Díaz-Fierros Viqueira, catedrático de Edafoloxía da USC e recentemente distinguido coa Medalla do Consello da Cultura Galega 2026.
O xoves 11, a Feira da Ciencia contará coa visita de Sonia Villapol, neurocientífica do Texas Medical Center de Houston, quen impartirá a conferencia de clausura ás 13:00 horas, aberta ao público e titulada “Un cerebro activado, un cerebro de preguntas”.
Para o alumnado e profesorado dos centros ribadenses, resulta un orgullo contar coa presenza de dúas figuras destacadas da ciencia e da cultura galegas, ambas estreitamente vinculadas ao IES de Ribadeo Dionisio Gamallo. O profesor Díaz-Fierros impartiu a Lección Inaugural do curso 2015-2016 e, desde entón, visita cada ano o centro, sempre con tempo, interese e agasallos para o alumnado, como demostrou na pasada edición da feira. Pola súa parte, Sonia Villapol participou de maneira virtual na XXVI Feira da Ciencia, en plena etapa post-pandemia, cando as limitacións impedían a súa visita presencial. Este curso, con motivo do Día da Muller e da Nena na Ciencia, o alumnado de 2º ESO C —xunto co profesor de Física e Química, Iván Varela— propuxo nomear temporalmente a súa aula co nome da investigadora. A partir dese xesto, Villapol enviou un vídeo de agradecemento e ofreceuse a visitar o centro, polo que se decidiu convidala para impartir a conferencia de clausura.
En definitiva, a XXXI Feira da Ciencia de Ribadeo promete unha edición chea de contidos, experimentos e divulgación. O alumnado volverá ser protagonista e os centros organizadores traballarán para que Ribadeo continúe a ser, un ano máis, un faro de ciencia.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
