O delegado territorial de Lugo, Alfonso Villares, comprobou hoxe os primeiros traballos que se abordan na rúa Febrero, que se suman aos que xa están en marcha noutro inmoble de Peña de Francia
Mondoñedo, 5 de xuño de 2026. A Consellería de Vivenda e Planificación de Infraestruturas comezou a rehabilitación integral do edificio situado no número 30 da rúa Febrero de Mondoñedo, no marco dos proxectos que ten en marcha para crear 11 vivendas de promoción pública na localidade.
O delegado territorial da Xunta en Lugo, Alfonso Villares, comprobou os traballos iniciados hai uns días. Explicou que se acondiciona unha casa de dúas plantas e dous dormitorios, con 83,4 metros cadrados de superficie útil, e cun patio de 16,4 metros cadrados que acolle unha estrutura para lavadoiro ou almacenaxe. O orzamento concreto nesta construción supera os 280.000 euros.
Villares lembrou que forma parte do contrato adxudicado o pasado mes de marzo por importe total de 2.842.000 euros, que sumará un total de 10 vivendas en seis edificios diferentes do núcleo.
As outras actuacións incluídas na adxudicación son a rehabilitación integral dun edificio para unha vivenda e un rocho na praza Muíños de Arriba 24; dous inmobles para catro VPP e catro rochos na rúa Guevara 7 e 9, e outro para dúas VPP na rúa Álvaro Cunqueiro 34. Tamén figura a remodelación e reforzo estrutural de dúas VPP e mellora da envolvente térmica dun inmoble na rúa Progreso 10 da localidade.
Por outra parte, están moi avanzadas as obras que se veñen executando desde o pasado verán no inmoble número 4 da rúa Peña de Francia, nas que se invisten preto de 300.000 euros; neste caso habilítase unha vivenda destinada a alugueiro para menores de 36 anos.
O delegado territorial sinalou que estas intervencións corresponden ao programa Rexurbe e teñen por obxectivo restaurar o patrimonio e facilitar o acceso á vivenda, especialmente da xente moza, contribuíndo a reforzar o tecido económico e social da zona. Ao respecto, apuntou que Mondoñedo foi o municipio no que se declarou a primeira Área Rexurbe de Galicia, no ano 2020, grazas ao traballo coordinado entre as Administracións autonómica e local.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
