A Mariña, 15 de xuño de 2026. Segue aberto o prazo de inscrición para participar no curso de verán que organizan a Mancomunidade de Concellos da Mariña e a Universidade da Coruña. O título é Emprender no sector turístico na Mariña Lucense e terá lugar do 6 ao 9 de xullo en horario de 16 a 21 horas na antiga escola de San Cosme de Barreiros. Esta acción formativa, dirixida tanto ao alumnado universitario, como ao público en xeral e profesional, ten como obxectivo achegar coñecemento, habilidades e competencias profesionais interesantes de cara ao emprendemento.
A presidenta da Mancomunidade, Rocío López, explicou que “a través de obradoiros e diferentes dinámicas con profesionais do sector, traballarase en temas tan interesantes como a análise de competencia, o modelo de negocio, o descubrimento de clientes, a avaliación financeira, a estratexia e o posicionamento competitivo, o lanzamento de produtos, a dixitalización e o comercio electrónico ou a fiscalidade do emprendemento”.
A dirección do curso asúmea Antonio García Lorenzo, profesor da Facultade de Economía e Empresa da UDC, natural do Valadouro; e a secretaría Tania Hermida, axente de desenvolvemento turístico da Mancomunidade de Concellos.
O prezo do curso é de 50 euros para o público xeral, tamén o profesional, habendo un prezo reducido de 30 euros para a comunidade da UDC, alumnado universitario, persoas desempregadas e pensionistas. Asemade, resérvanse prazas gratis para o alumnado bolseiro dos Cursos de Verán 2026 da UDC.
A asistencia a este curso de Emprender no sector turístico na Mariña Lucense será recoñecida como créditos nos estudos de grao, que se convalidarán segundo o plan de estudios de cada titulación.
O prazo de inscrición está aberto ata o vindeiro 5 de xullo. As prazas son limitadas (50), polo que as persoas interesadas en asistir deben formalizar a matrícula a través do seguinte enlace:
https://udcxest.udc.gal/xest/publica/actividad/ampliar.xhtml?idobjsel=4075&_gl=1*rjyyl9*_ga*MTg5MDc0MzkyNi4xNzc4NjYwMzg2*_ga_PKZEC02YMQ*czE3Nzg2NjAzODYkbzEkZzAkdDE3Nzg2NjAzODYkajYwJGwwJGgw
PROGRAMA
Luns, 6 xullo
16:00-21:00 h
Inauguración.
Modelo de negocio, estratexia e posicionamento competitivo.
Paloma Vázquez Fernández. Xefa da Área Provincial de Turismo da Xunta de Galicia en Lugo.
Verónica Ramallal Trevín. CEO da axencia de marketing dixital Pekecha.
Martes, 7 xullo
16:00-21:00 h
Promoción e comercialización de destinos e produtos turísticos.
Tania Hermida Varela. Axente de Desenvolvemento Turístico da Mancomunidade de Concellos da Mariña Lucense.
Eva Sánchez Amboage. Profesora do departamento de Empresa da UDC e experta en promoción de destinos turísticos.
Mércores, 8 xullo
16:00-21:00 h
Avaliación financeira.
Diego García Pérez. Profesor asociado da UDC e empregado de institución financeira como analista de riscos, especialidade sector turístico e agroalimentario.
Francisco Lago García. Asesor de emprendemento.
Xoves, 9 xullo
16:00-21:00 h
Fiscalidade do emprendemento.
José Manuel Barreiro Viñán. Profesor do departamento de Economía da UDC e socio da consultora BV Asesores.
Lorenzo Cornide García. Asesor Fiscal de BFL Consulting Empresarial.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
