O Concello pon en valor os traballos de rexeneración que están en marcha e lembra a necesidade de respectar as dunas para favorecer a súa recuperación
Viveiro, 5 de xuño de 2026. O Concello de Viveiro quere aproveitar a celebración, hoxe, do Día Mundial do Medio Ambiente para poñer en valor a importancia da conservación do sistema dunar da praia de Covas, onde nestes momentos se están a desenvolver traballos de rexeneración orientados á súa recuperación e protección.
As dunas compren unha función esencial no equilibrio natural das praias e a súa conservación resulta fundamental para preservar o litoral. Neste sentido, o executivo municipal lembra que calquera proceso de recuperación dunar require tempo, respecto polo espazo e colaboración cidadá para que os traballos realizados poidan dar resultado e non se vexan alterados.
O goberno local fai fincapé en que a protección das dunas non responde só a unha actuación puntual, senón a unha aposta clara pola conservación do medio natural e pola compatibilidade entre o uso social da praia e o respecto aos seus valores ambientais. Por iso, en coincidencia co Día do Medio Ambiente, o Concello considera importante insistir na necesidade de coidar estas zonas de xeito especial e de evitar comportamentos que poidan danar a súa vexetación ou dificultar a súa rexeneración.
Entre as recomendacións básicas para contribuír á conservación deste espazo figuran empregar sempre os accesos habilitados, non camiñar sobre as dunas, respectar as plantas e animais da praia e facer un uso responsable dos servizos e dos espazos públicos. O decálogo mariño difundido para sensibilizar sobre o coidado do litoral lembra tamén a importancia de utilizar as papeleiras de recollida selectiva ou levar o lixo á casa, non levar cunchas nin pedras da praia e aforrar a auga.
O Concello de Viveiro anima á veciñanza e aos usuarios da praia de Covas a colaborar activamente na protección deste espazo, con respecto aos traballos de rexeneración e asumindo que a conservación das dunas é unha responsabilidade compartida. A recuperación do sistema dunar é unha tarefa necesaria para preservar un dos principais valores naturais do litoral viveirense.
Desde o Concello incídese en que a mellor maneira de celebrar o Día do Medio Ambiente é actuar con responsabilidade e contribuír, entre todos, a conservar o patrimonio natural do municipio para o presente e para o futuro.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
