O período de inscrición permanecerá aberto do 1 ao 10 de xullo
Burela, 6 de xullo de 2026. A Escola Municipal de Música de Burela abre o prazo de matrícula para os novos alumnos e alumnas que desexen incorporarse ao centro durante o curso 2026-2027.
A Escola ofrece formación musical para persoas a partir dos 4 anos, sen límite de idade, adaptándose ás diferentes etapas de aprendizaxe. A súa oferta abrangue dende a iniciación musical ata o perfeccionamento instrumental e a participación en agrupacións.
Os máis pequenos poden iniciarse a través das aulas de Música e Movemento, dirixidas ao alumnado de entre 4 e 7 anos. A partir dos 8 anos terán formación instrumental, poderán participar en agrupacións musicais, canto e linguaxe musical.
Entre os instrumentos que se imparten na Escola Municipal de Música atópanse violín, viola, violoncello, contrabaixo, frauta traveseira, clarinete, óboe, fagot, saxofón, trompeta, trompa, trombón, tuba, percusión, piano, guitarra e canto, ofrecendo así unha ampla variedade de opcións para o alumnado.
Ademais da formación individual, a Escola promove a materia de produción musical a práctica musical en grupo a través de diferentes formacións, entre elas banda, orquestra, coro, grupo de rock, de jazz e outras agrupacións instrumentais, nas que o alumnado ten a oportunidade de desenvolver o traballo en equipo e participar en actuacións e concertos ao longo do curso.
As persoas interesadas deberán cubrir o impreso de matrícula e presentalo, unha vez asinado, a través do correo electrónico escolademusica@burela.org, entregándoo directamente a calquera membro do equipo docente da escola ou depositándoo na caixa do correo situada na entrada do recinto escolar.
No caso de que, unha vez rematado este período, queden prazas dispoñibles, abrirase un novo prazo de matrícula do 1 ao 11 de setembro.
O tenente de alcaldesa e responsable da Escola Municipal de Música de Burela, Mario Pillado, destacou que “a escola leva anos sendo un referente na formación musical do noso concello. Animamos ás familias e a todas as persoas interesadas a coñecer a súa ampla oferta educativa e a formar parte dun proxecto no que, ademais de aprender música, tamén se crean vínculos e se comparte unha gran afección”.
Para obter máis información, as persoas interesadas poden contactar coa Escola Municipal de Música no teléfono 982 879 483.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
