O municipio será un dos mellores lugares de España para observar a eclipse, cunha duración da totalidade de preto de 1 minuto e 49 segundos
Burela, 30 de xullo de 2026. Burela inicia o mes de agosto coa vista posta na eclipse solar total que terá lugar o vindeiro 12 de agosto, xa que, segundo os datos do Instituto Xeográfico Nacional (IGN), o municipio será un dos mellores lugares de España para observar este fenómeno, cunha duración da totalidade de preto de 1 minuto e 49 segundos.
Ante esta oportunidade, a Deputación de Lugo e o Concello de Burela desenvolverán unha programación especial para que veciños, veciñas e visitantes poidan vivir este acontecemento astronómico nas mellores condicións. A Deputación patrocina as actividades que se desenvolverán no marco de Produart e da Feira do Bonito, así como o reparto gratuíto de lentes homologadas para a observación segura da eclipse.
As lentes entregaranse durante as actividades específicas organizadas arredor da eclipse e tamén noutras actividades de verán promovidas polo Concello de Burela, ata esgotar existencias, co obxectivo de facilitar que o maior número posible de persoas poidan gozar deste fenómeno con todas as garantías de seguridade.
Dentro desta programación, o domingo 2 de agosto, no marco da Feira do Bonito e Produart, o divulgador astronómico Antonio Pazos Pérez impartirá ás 13.00 horas na Nave de Redes a charla ‘Astronomía básica da eclipse, planificación e observación segura’. A actividade será de acceso libre e non require inscrición previa.
As propostas continuarán o sábado 8 de agosto no Monte Castelo cunha xornada divulgativa que combinará un coloquio e dous obradoiros. Ás 11.00 horas celebrarase unha charla aberta na que se explicarán as características da eclipse e se ofrecerán recomendacións para a súa observación. Ás 12.30 horas haberá un obradoiro de observación solar, no que persoas expertas en astronomía facilitarán os medios necesarios para observar os astros, mentres que ás 17.00 horas terá lugar un obradoiro de astronomía dirixido a nenas e nenos de ata 12 anos.
Estes dous obradoiros contan con prazas limitadas e requiren reserva previa, que poderá realizarse desde o 4 de agosto a través do correo electrónico oficinadeturismo@burela.org, indicando o nome e apelidos das persoas participantes e un número de teléfono de contacto.
O propio día da eclipse, mércores 12 de agosto, Burela será escenario do fenómeno astronómico que se poderá observar desde diferentes puntos do municipio, entre eles o propio Monte Castelo ou a praia da Marosa. O inicio da totalidade da eclipse en Burela será ás 20:28h.
A programación concluirá esa mesma noite coa ruta guiada para a observación das perseidas, un itinerario de aproximadamente sete quilómetros polo Monte Castelo con saída ás 22.30 horas desde o cemiterio municipal. Para participar será necesario realizar reserva previa a partir do 5 de agosto no correo oficinadeturismo@burela.org, indicando o nome e apelidos de todas as persoas participantes, DNI e un teléfono de contacto. A actividade é gratuíta e será necesario levar lanterna ou frontal, sendo recomendable tamén o uso de chaleco reflector.
Con esta programación conxunta, en Burela aproveitarase un acontecemento astronómico excepcional para converterse nunha vila referente para a observación da eclipse e achegar a astronomía a toda a cidadanía.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
