Burela, 8 de xullo, 2026. O Reyco Burela FS celebrou este martes a súa Asemblea Xeral Extraordinaria, na que a directiva trasladou aos socios e socias a situación actual da entidade, os pasos xa dados para garantir a continuidade do proxecto e as principais liñas de actuación para a tempada 2026-27.
Entre os asuntos abordados, o presidente, José Luis Sáez, confirmou que o club xa formalizou a preinscrición dos dous equipos sénior en Segunda División, un paso imprescindible para asegurar a presenza da entidade nas competicións nacionais, á espera de completar os trámites administrativos nos prazos establecidos.
A Asemblea tamén aprobou manter as cotas da Escola Deportiva Burela FS. Ademais, ratificáronse as cotas de socios e socias para a tempada 2026-27, mantendo os importes da campaña anterior e incorporando algunhas novidades derivadas dun convenio no que a entidade está traballando para favorecer o acceso da mocidade aos partidos do club.
Outro dos aspectos destacados foi á alusión ao informe elaborado pola Universidade de Santiago de Compostela, asinado polos membros do Grupo de Análisis y Modelización Económica (GAME) Roberto Bande, Diana Fernández e Pablo Rivera, que cifra en 1,1 millóns de euros o impacto económico que xera a actividade do CD Burela FS na comarca, xunto ao Memorial Heroes do Orzán no que a entidade colabora. Este estudo pon de manifesto a dimensión deportiva, social e económica dunha entidade que transcende o ámbito competitivo para converterse nun motor de dinamización territorial.
Durante a súa intervención, José Luis Sáez lembrou que o club continúa traballando para reducir a débeda histórica e reiterou que calquera axuda extraordinaria recibida das administracións se dedicará a salarios atrasados e acredores da vila; por iso foi presentada, no pasado mes de abril, unha solicitude que considera fundamental para consolidar a viabilidade do proxecto e garantir a estabilidade da entidade.
Nesta mesma liña, o adestrador do primeiro equipo masculino, Juanma Marrube, quixo dirixirse aos socios e socias para realizar un chamamento á unidade, apelando á implicación conxunta de equipo, club, afección e representantes políticos para afrontar unidos os retos que ten por diante o Burela FS.
A Asemblea concluíu cun recoñecemento especial ao Memorial Heroes do Orzán. Na súa condición de club colaborador deste evento, José Luis Sáez expresou o agradecemento á Xunta de Galicia, á Deputación de Lugo e ao Concello de Burela pola súa achega e compromiso coa iniciativa, un apoio que, segundo destacou, constitúe un fiel reflexo de que cando institucións e sociedade camiñan da man é posible acadar grandes logros en beneficio de toda a comunidade.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
