Cervo, 17 de xullo do 2026. O Concello de Cervo convida a toda a veciñanza a vivir con intensidade a gran final do Mundial de fútbol, que se disputará este domingo, nun ambiente festivo e de convivencia na Praza dos Campos.
Para a ocasión, instalarase unha pantalla xigante na que se poderá seguir en directo o encontro, convertendo este espazo nun punto de encontro para todas aquelas persoas que queiran animar á nosa selección neste decisivo partido fronte a Arxentina.
A programación comezará ás 18:00 horas con animación musical, á que se sumarán diferentes actividades para todos os públicos, entre elas un pintacaras e un photomatón, creando así un ambiente festivo antes do inicio do partido.
A alcaldesa de Cervo, Dolores García Caramés, anima á veciñanza a participar nesta cita: “Queremos que a Praza dos Campos sexa o gran punto de encontro para vivir unha xornada inesquecible. Agardamos que moitas familias, mozos e maiores se acheguen para gozar xuntos deste gran acontecemento deportivo, nun ambiente de festa, ilusión e convivencia.
A rexedora engade que “desde Cervo queremos enviarlle toda a nosa forza e o noso apoio á selección española neste encontro decisivo contra Arxentina. Agardamos que entre todos poidamos empuxar desde a distancia e celebrar un novo éxito do noso fútbol.”
Co obxectivo de garantir que a xornada se desenvolva con total normalidade e seguridade, establecerase un control dos accesos ao recinto. Non se permitirá o acceso con bebidas alcohólicas procedentes do exterior, co fin de evitar o consumo non autorizado e favorecer o consumo nos establecementos de hostalaría da contorna. As bebidas adquiridas nos locais da zona ou nos puntos de venda autorizados poderán consumirse no recinto do evento.
Desde o Concello de Cervo anímase a toda a veciñanza a vestir as cores da selección e a achegarse á Praza dos Campos para desfrutar dunha tarde chea de música, animación e emoción, confiando en que España poida proclamarse campioa do mundo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
