Desde o mes de marzo a Obra Social das Fillas do Divino Celo – Rogacionistas conta con este recurso especializado en menores migrantes non acompañados e concertado coa Xunta de Galicia
Burela, 15 de xullo, 2026. O Fogar San Aníbal Os Castros de Burela únese aos demais recursos da Obra Social certificando o seu sistema de calidade coa ISO 9001:2015 e o seu sistema de protección contra as violencias e abusos cara a nenos, nenas, mozas e persoas vulnerables coa norma UNE 0070:2022.
O equipo educativo deste recurso está composto por 14 profesionais, que nestes catro meses realizaron diferentes formacións e implantaron nas súas metodoloxías de traballo o sistema de calidade das Fillas do Divino Celo.
Tras diferentes auditorías, EDUQATIA, entidade acreditada pola Entidade Nacional de Acreditación (ENAC) e especializada en educación e servizos sociais, certificou o cumprimento dos procedementos, protocolos e normas necesarias para obter estes selos.
“A implantación de sistemas de xestión da calidade permítenos mellorar a nosa eficacia e eficiencia, podendo ofrecer máis e mellores servizos, así como cumprir en maior medida a nosa Misión e adoptar unha dinámica de mellora continua, sempre centrados nas necesidades dos nosos usuarios”, asegura Jesús Iglesias, director da Obra Social das Fillas do Divino Celo.
Na actualidade, a Obra Social rogacionista conta con diferentes certificados que dan fe da súa preocupación constante para garantir un servizo de máxima calidade:
Xestión de Calidade ISO 9001: é unha das certificacións máis recoñecidas, que ostentan desde 2011 e que garante a calidade e mellora continua dos servizos dos seus centros.
Certificación UNE 0070 de protección fronte á violencia e os abusos en organizacións de acción social que traballan con persoas menores de idade ou en situación de vulnerabilidade: desde 2024 garante unha contorna de acollida seguro e libre de violencia.
Ademais, o Certificado EFR:3000-1 (Empresa Familiarmente Responsable) recoñece desde 2024 ás Fillas do Divino Celo as súas boas prácticas para integrar modelos de conciliación da vida privada, familiar e laboral; fomentando o apoio na igualdade de oportunidades e a inclusión dos máis desfavorecidos.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
