Lourenzá, 6 de xullo de 2026. O goberno municipal de Lourenzá desminte as acusacións do Partido Popular sobre a situación económica do Concello e pide responsabilidade política.
Ante as manifestacións realizadas polo Partido Popular de Lourenzá nas redes sociais, o goberno municipal “considera necesario trasladar á veciñanza a realidade da situación e evitar que se continúe difundindo unha visión interesada e distorsionada dos feitos”.
“En primeiro lugar, queremos informar de que no último pleno municipal foi aprobado o expediente de modificación de crédito, financiado con cargo ao remanente de tesourería, que permitirá facer fronte ao pagamento das facturas pendentes correspondentes ao exercicio anterior. Grazas a esta medida quedarán regularizados todos os pagos pendentes de 2025 e a continuación regularizaranse tamén os do 2026”, explica o goberno local, que aclara tamén que “a situación vivida nos últimos meses responde a unha circunstancia absolutamente excepcional, derivada da falta de secretario municipal, unha problemática allea á vontade deste goberno e que dificultou a tramitación administrativa de numerosos expedientes. Trátase dun feito puntual que nada ten que ver coa xestión económica do Concello e que xa está en proceso de solución. Cómpre lembrar que durante os once anos de goberno deste equipo nunca se produciu unha situación semellante. Por iso sorprende que o Partido Popular pretenda presentar un problema administrativo puntual como se fose a norma da xestión municipal”.
O goberno municipal de Lourenzá engade que “resulta tamén rechamante que durante todo este tempo ningún dos concelleiros do Partido Popular se puxese en contacto co goberno local para interesarse pola situación, ofrecer colaboración ou buscar solucións. Se realmente a súa prioridade fosen os veciños e veciñas de Lourenzá, esa sería a súa actitude. Pola contra, optaron por utilizar esta circunstancia excepcional para facer oposición a través das redes sociais, manipulando a información, xerando alarmismo e transmitindo unha imaxe negativa do noso concello que non se corresponde coa realidade. Esa estratexia non prexudica ao equipo de goberno senón á imaxe de Lourenzá e ao conxunto da súa veciñanza”.
“Mentres uns buscan titulares, este goberno continúa traballando para resolver os problemas. Estamos regularizando todos os expedientes pendentes, cumprindo cos provedores, cos traballadores e coas obrigas do Concello, arrimando o ombro para superar esta situación transitoria. O goberno municipal seguirá actuando con responsabilidade, transparencia e rigor, centrando todos os seus esforzos en defender os intereses de Lourenzá e da súa veciñanza, fronte a quen pretende utilizar unha situación excepcional con fins exclusivamente partidistas”, indica o equipo de goberno do Concello de Lourenzá, que ademais expresa “o seu máis sincero agradecemento aos provedores, ás empresas locais e ao resto de empresas que traballan co Concello pola paciencia, comprensión e colaboración demostradas durante estes meses. Somos conscientes dos inconvenientes que os atrasos nos pagos puideron ocasionar e valoramos moi positivamente a confianza e a responsabilidade coa que entenderon que esta situación viña motivada por circunstancias administrativas excepcionais e alleas á vontade do Concello. Grazas á súa comprensión e ao esforzo realizado por todas as partes, hoxe podemos afirmar que esta situación está en vías de quedar completamente normalizada. O noso compromiso é seguir traballando con rigor para que o Concello continúe sendo unha administración solvente, seria e cumpridora das súas obrigas”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
